الذنب الكبير

السلام عليكم ورحمة الله وبركاته

للتواصل مع قلوبكم الطاهره

جديدي بين أياديكم


[poem=font="simplified arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الهم ماين نابعٍ في داخلي والصدر بير=أشلاء فارقها الفرح جيش الهموم احتلها
يكبر كذا همي معي من عادني طفلٍ صغير=أشبع معاليقي تعب وأضلاعها ما ملها
متراكيه ع..الكبد تتقاسم معي حتى الزفير=والجوف وعروق الحشا والروح تبلع غلها
الطابق اللي داخلي مستور معدوم الضمير=زعامة الترهيب والتخريب منهاجٍ لها
تدبيرها راعي البصيره عقبها يصبح ضرير=في طور تزوير القضايا والسيوف تسلها
يا جعلها تدمح خطايا صاحب الذنب الكبير=اللي تعاظم كبريائه من كوارث جلها
يضحك من صدوف الزمان ولا درى وشهو المصير=وإذا كتب من دم قلبه نظم شعرٍ شلها
في نظرته تغريبته والصوت واقعه المرير=اللي تكاثر فيه فرحه ما قدر يوصلها
يالوافي أبياتك فتايل ولعت فيني سعير=من أمس ارددها ودمعي ع..الخدود اهلها
مواجعي قلبتها طرفي من البارح سهير=ما غير أسج بهاجسي وآحلها وآملها
صح الله لسانك على أيَّت حال يالسيف الشطير=خل الهموم اللي بقلبي لا تكدر خلها
أنا أشهد إنك للعلوم الغانمات أكبر سفير=دام الكبيره مالها غير الكبير يحلها
الله يذّكرك الشهاده يا لـمير ابن الأمير=زمان عن طرد القوافي يوم ترهب ظلها
جدّدت شيٍ فاتنا تذكر من النشوه نطير=على طروقٍ شامخه فوق الجزال نتلها
شعر الفرزدق والحطيئه وابن أبي سلمى زهير=والبحتري وابن الملوح جمعتهم كلها
والنابغه والزير سالم والغزاره من جرير=والشنفره بالوصف والجاحظ وعنتر دلها
كانت ليالي يا سقى الله يا عساها تستدير=للخلف لحظه ليت ترجع لو ثواني علها
[/poem]

تحياتي وتقديري للجميع / عبدالرحمن الشهري