( .. ذنـــــــوب المســــاكييـــن .. )

[align=center]السلام عليكم ورحمة الله وبركاته


بـــدوون مقدمــــات [/align]

[poem=font=",6,,normal,normal" bkcolor="transparent" bkimage="" border="none,4," type=0 line=1 align=center use=ex num="0,black""]
يا زين ياللي ما على وجهـك قنـاع=كم في رصيدك من ذنوب المساكين ؟
امفرعا" برقعـك وعيونـك وسـاع=اعيون طلعا" شاف برقـا الجناحيـن
ورموش عينك جيش هتلر الى طاع=اللـي تكاتفهـم يـهـز المعـاديـن
والخشم سلة سيف صـارم وقطـاع=في يدين شيخا" يوفي الديـن ويديـن
ومبسمك برقا" كل ما لاح في القـاع=هل المطر علـى قلـوب المحبيـن
والعنق عنق اللي من الظـل ترتـاع=اللي تروع مـن تحركاهـا بزيـن
والشعر ليلا" داجيـا" ساريـه ظـاع=والوجه شمسا" نورها يبهـج العيـن
والعود غصنـا" لينـا" دوم مطـواع=يميل لا هب الهوى يسـار ويميـن
وعمرك ما يسمح لك بحذف التبرقاع=والظاهر انك قد تعديت عشريـن
مزيـون خلقـه ما لك اشكال وانواع=استغفر الله منت بانسان مـن طيـن
لو ان زينك يقسم انصاف واربااع=كان العذارى كل ابيهم مزايين
خالفتني ما بين شاري وبياع = واخلفتني واخلفت كل المسلمين
سببت زحمة ناس وازعاج واصداع = واخرت ناسا" قبل شوفتك عجلين
شوفتك تغني جياع وتجوع اشباع = وتحيي عروقا" ميته قد لها سنين
لك في عيون الناس فيَه ومرتاع = ولك في قلوب الناس هيبة سلاطين
راعي المحل الى دخلت المحل باع = واللي بخمس اميه يخليه ميتين
يلدني منك مسارات واطباع = وتحدني صوبك سلوم الشياطين
عنيت للسوق التجاري لي اسناع = وطلعتني من سبتك خالي يدين
حسبي عليك شقوم ما تلبس قناع = وتكف نفسك من ذنووب الملااايين[/poem]

هذي بتفلس بالمحلات يابخيت هههههههه

صح لسانك حتى ترضى وبيض الله وجهك

لاهنت يابخيت


دمت بخير

صح لسانك يا بخيت
رائعه من شاعر رائع
دمت وام حرفك

ياخي مادري ليش اي واحد اسمه بخيت يجي شاعر جزل هههههههه

صح لسانك عزالله انها قصيدة وافيه
بغيت اختار لي ثلاثه اربعه ابيات مميزه لقيت القصيده كلها مميزه وجزله

جزل يابخيت

صح قلبك وكلك


وسلمت اناملك


تحيتي لك

صح لسانك

راااااائعه بكل معاني الكلمه

حفك الله من كل شر

[align=center]
صحً لسآنك.
[/align]

بخيت صح لسانك وبيض الله وجهك

بخيت البريدي ,,,

الف صح لسانك ولاهنت

حقيقه ابدعت وقصيده جازت لي حيل

اقتباس:

---

ياخي مادري ليش اي واحد اسمه بخيت يجي شاعر جزل هههههههه

---

بخيت الدوسري ههههه تلاحظ؟؟؟؟

لافظ فوك يابخيت

عيني عليك بارده

بوح عذب لاهنت

صح قلبك وكلك

صح لسانك وقلبك

لاهنت

سامي العطاووووي


صح بدنك .. وشكرا" على المرور الطيب

ساميـــه


صح بدنش .. ولاهنتــي على المــرور اللي اسعدني