علامه قسى قلبكـ للشاعر علي القحطاني كـامـلـةً

علامه قسى قلبك علي يـوم قلبـي رق
وطال الزعـل بينـي وبينـك وباركتـه
كسيتك ثياب العـز سنـدس واستبـرق
وطاولتك اللـي طـول الايـام ماطلتـه
ولماهقيت اني ببحـرك بديـت اغـرق
حسب واقعـي والا حسـب ماتوقعتـه
بسرعه قطعت الحبل بي في محيط ازرق
ونجانـي الله بعـد مالمـوت صارعتـه
تماديت بالحيلـه اذا ماغرقـت احـرق
شعلت الحشاء والقلب من نارك اشعلتـه
وما دام انا وانتـه وقفنـا علـى مفـرق
تغير طريقـي عـن طريقـك وخالفتـه
تبي تسرق الانـوار والنـور مايسـرق
وانـا المستفيدبدرسـك اللـي تعلمـتـه
خلاص انتها ليل الشقاء والنهار اشـرق
سناءالشمس واضح ياترى كيف ماشفتـه
ولو هزك النسنـاس ياناعـم المطـرق
زمانك مضى ياغصن الامـال صدقتـه
صبغ وجهـك المكيـاج لابـد ماتعـرق
ويتبـدل الابيـض بالاسـود وشاهدتـه
تشوف الحقايق وانت بالريـق لاتشـرق
ترى كل مشهد فـي مسلسلـك شاهدتـه