يامــرحــبا اااقـــــــــلــــــط..

السلام عليكم ورحمة الله وبركاته

فيه بيتين جازت لواحد من العيال فأرسلها لي وتقول:

الدله الصفراء بها بن وابهار
يفوح فوق الجمر بنه وهيله
فنجالها لافاحت بمجلسن دار
على وجيه الخير وأهل الفضيله

...فجاريتها بهذة القصيدة التي اتمنى أن تروق لذائقتكم..

[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""] يامــرحبا بأهـل الفضيلة هل الكـار=النـايفــين بــراس رجـم الطـويـلـه
تـرحـيـبـتـن فيـها مـعـزة ومـقــدار=على السخى لأهل السخى والجميلـه
مضمونه الصفراء ترى بداخل الدار=مثـل الكـحـل لأم العـيـون الكـحـيلـه
وإن كـان مافـيها تشـكـك ولا غـبار=عـنـك أنـها مـشـفى القـلـوب العـليلـه
وحـنا جمـعناهـا من ايمين ويسـار=وصــارت لنـا بالـعـز رمــز ودلــيـلـه
فـيزين قـول الرجـل من دون تكـرار=ويـزيـن قــولـك كـان فـعـلـك كـمـيلـه
ويـازيـن بــن وزعـفـرانـن ومسـمار=ابجـوف صـفـرن دون جـال المليـلـه
فـنـجالهـا فــي مـجـلـس الـعــز دوار=عــلى نـشـامـن يـرتـكـون الثـقـيـلـه
(هـذا ولـد عـمـن وهـذا ولـد "جار"=وهــذا رفـيـقـن مــالـقـيـنا مـثـيـلـه)
يقولـها الـلـي مـمتـطي قب الأمـهار=ويسـوقـها سـوق العـمـيل لعـمـيلـه
راكـان ابن حـثلـيـن لـطـام الأحـرار=وشـوق المـهار النـادرات الأصـيلـه
شوقه جعل شوقي على طرقك مثار=والـدرب واحــد والمغــازي فضـيلـه
يامهيض الشاعر على بـدع الأشعار=القــاف طــاب وزال مـافـي غـلـيلـه
اقـلـط ترى الصفراء على مـلة النار=تـلمـع مثل لمـع السـيوف الصـقيلـه
فـاحت غلا من طيب راسـك ومقدار=تـرحـيبـة الطـائـي بضـيفـن يجـيلـه
فــيمـرحبا بأهل الفـضـيلة هل الكـار=النــايـفـيـن بــراس رجـم الـطـويـلـه
تـرحـيـبـتـن فيها الـقدر سر واجهار=على السخى لأهـل السخى والجميلـه[/poem]

وسلاااااااااااااامتكم..
أرجو من الأعضاء تنسيق القصيدة وشكراا

يامرحبا يابو احمد حيه وحي ما جاب
صح لسانك حتى ترضى
وبيض الله وجهك ولا هنت
شهادتي فيك دمها يقطر
لله درك يابو احمد مبدع في كل حالاتك
يشرفني ان اكون اول من صافحها

السلام عليكم ورحمة الله وبركاته

صح لسانك وعلا شانك
منسق القصائد عطلان بكل أسف

بارك الله فيك و وفقك

اقتباس:

---

وإن كـان مافـيها تشـكـك ولا غـبار
عـنـك أنـها مـشـفى القـلـوب العـليلـه

---

تمنيت لو عدلت عجز البيت ليصبح :

وإن كـان مافـيها تشـكـك ولا غـبار
صارت دوا لأهل القـلـوب العـليلـه


----

ايضا اقتباسك من رائعة ابن حثلين

(هـذا ولـد عـمـن وهـذا ولـد "جار"=
وهــذا رفـيـقـن مــالـقـيـنا مـثـيـلـه)

ترى لو كان صدر البيت :

هذا ولد عمٍ (ن) وذا اخوي و الجار
...... وهذا رفيقٍ(ن) ما لقينا مثيله


ما رأيك اخي الكريم

صح قلبك يا ناصر
مجارة جميله ورائعه
دمت ودام حرفك
الأستاذ سليمان اثاريك شاعر ما شاء الله
ليه ما نشوف لك روائع هناااااا
دمتما بكل خير

صح لسانك ياناصر

شاعرجميل بمعنى الكلمه


ابيات من حبكة شاعر

ماشاء الله عليك

اتمنى لك التوفيق

صح لسااانك وبيض الله وجهك

جزل يا ناصر


صح قلبك وكلك


وسلمت اناملك

تحيتي لك

ماهو غريب الابداع منك يابو احمد قصيدة جزله من رجال جزل

أرحب أرحب وحياك الله

وصح إلسانك مدد بلا عدد


قصيدة رائعه وكفو

صح لسانك وقلبك

بيض الله وجهك

لاهنت

كفوو


وصح لسانك

ناصر

صح لساانك الى رضاك

لاجديد سوى الابداع المتواصل

لاعدمنا جديدك

صح السانك يالغالي
وللامام دائما

الله يبقيك ياسامي ويحيي نباك وصح بدنك والله لايهينك وبيض الله وجهك دوما ودائما تنونا بردودك التي مثل قامتك تعلو للإمام فماهي غريبة منك وافي..

صح لسااااااااانك جزله من شاعر جزل مافيك حيله شاعرنا
بس ابن حثلين ماقال هذا ولدجار قال ولد خال واظن انك تعرف بس انك غيرته عشان القافيه تمشي معك

بس لو مغيرها وماقلت انوه لابن حثلين افضل لان لو اي احد بيقراها ومايعرف بيت ابن حثلين راح يقول البيت اللي انت كاتبه بسمه هذا ولدعم وهذاولد جار

عموما هاذي وجهة نظر مني والاالقصيده في منتهى الروووووووووووعه لاعدمناك