انذال لاصـدت ولا مـن صميـده (بندريه)

عز الله انه مـال مـا طـال ياسعيـد
مال السهـر واليـل طـوّل رقيـده

اللي من اول ليل مااخلف نوا السيـد
اقعد غريـق الهـم ليـن استعيـده

قم يا رشيد الحق وابااقول يا رشيـد
الله عليـك انـته مـن أيـا بديـده

اما البديـده منـك عنـد المواعيـد
ولا همومك مـن زمانـك زهيـده

ابااستفيـدك كـان جربـت وتفيـد
تنام واسمك حول الاسمى الرشيـده

لي قصة يشهد بهـا راضـع الديـد
يعدهـا غيـب الصـلاب لطريـده

طويـلـة عريـضـة بالتماجـيـد
يشبعبهـا الطيـب فعـولٍ مجيـده

طويـلـة عريـضـة بالمناقـيـد
يشبعبهـا النمـام شيـن العقـيـده

جار الزمـان وعاونـوه الحواقيـد
اللي لهم مـن قبـل ذلـك حقيـده

يارشيـد يـوم اتعبتنـي بالتناشيـد
خذ لك من الدرويش زبدة قصيـده

الياعبـدت الله وأكـثـرت تعبـيـد
ترى محمد صفـوة الخلـق سيـده

وترى ابرك الحزات يومٍ صدف عيد
جمعة اسبوعٍ صادفت يـوم عيـده

واذكر لك الاجواد صـد وصواميـد
وانذال لاصـدت ولا مـن صميـده

واذكر لك اقشر ما على السيد والبيد
اللي طمع بنـت القصيـر الحديـده

فضح قصيره عنده انه اكسب فيـد
سولف بها للنـاس خطـوا البليـده

سولف بجرحٍ مال جرحه تضاميـد
زودٍ لجرح الجرح ينشر صديـده

من لا ستر خلات غـرات اجاويـد
هـذاك نقـال الخبيـثـات بـيـده

وليا وطاك اللـي وطانـي تراديـد
رد السـؤال ولا تحـيـر بـريـده

اضرب ثلاث بعشر واجمع تفاريـد
وافرق على العشـر القليـد بقليـده

واللي بقـى لـو تفرقـه للمواديـد
كم تفرقـه بيـن الوديـد ووديـده

خلّ اللـذي سهـوه تغنيّـه ياهويـد
كـلٍ سمعهـا يـوم غنّـت هويـده

ابتـد بحـل وكـل شـيءٍ بتفنيـد
تـروم ولا غيّـر اسمـك حميـده

أكفيك أنا يارشيـد حـل المراديـد
أنـا مجـرّب والتجاريـب أكيـده

انا الذي قـد مرنـي سلـك تجنيـد
خدمـت بـه مـدة سنيـنٍ عديـده

مرحول همّ وكل شـيءٍ لـه أحيـد
أحيد زيـن وشيـن والهـم أحيـده

اسمع صريد القلب بيـن الحواديـد
حدنه الاضـلاع وأسمـع صريـده

صريد فرخٍ حدّه أقطـم صواريـد
أول طرد قرنـاس ثانـي جريـده

هذا وأنا شفـت الـوزى والتزاهيـد
لاأقول حي ولاتحـت قبـر ريـده

والله ما اهنى قاضي العمـر ترغيـد
ابـن اللئيـم اللـي حياتـه رغيـده

اهنـي الكلـب الحجـل بالمراقيـد
وضب الخلا لو كان ياكـل رديـده


بندر بن سرور

اختيار رائع بارك الله فيك

لك مني أجمل تحية

تقبل مرورى

كاسب العز

حياك ياكاسب العز

قيس
سلمت يمينك على هالنقل الرائع
ورحم الله بندر رحمة واسعه

حياك الله ياسامي

ورحمنا الله جميعاً وأدخلنا في رحمته