رح عسى الميعاد ميعاد النبي وربعه

السلام عليكم

كم بيت في الوالد الله يغفرله .. وحبيت اطرحها بين يديكم ..

ياكبر شوقي يابو محمد من اول ليلة
وش بسوي لا غدت فرقاك عني جمعة
صابر وراضي وحملي ماعجزت اشيله
غير همك يالفراق الي جفته الرجعه
من صباح الله وانا ادفع عبرتي بالحيله
لين جاني فالمسى شيٍ يهل الدمعه
اجتمع شمل الضنى وعيوني تراعيله
المح اشباهك واشوف وجيهم مجتمعه
اجتمعنا كل منا حزنه مقديله
من رحلت وضيقتي في وسط جوفي شمعه
تتقد ماترفق بجوفي ولا تاويله
ما تطفيها مواساة العزى والجَمْعَه
رحت في دربك ودربك كلنا ماضيله
ماقطعك الله ابدعيلك وغيري سبعه
والثمان سهام ليلٍ زايدات الكيله
يالفقيد انكان سمعك ما سمعنا فـ ارعه
رح فمان الله وعفو الغافر وتسهيله
رح عسى الميعاد ميعاد النبي وربعه

اللهم صل على محمد

الله يرحم ابوك وموتى المسلمين

صح لسااانك يالشايع

سلمت يمناك

سلام..

صح لسانك
وبيض الله وجهك

شايع الشايع
صح لسانك
ورحم الله والدك واسكنه فسيح جناته
وأسأل الله العلي القدير ان تكون الفردوس الاعلى نزله
ويصبركم ان شاء الله ويجعلها آخر الاحزان
وماهو بس انتم اللي تدعون له كلنا هنا اخوانك واهلك
وبندعي معك

الله يرحم آبووك وآموات المسلمين

صح لسانك

ولاهنت

صح لسانك وقلبك

لاهنت

فهده

صح بدنك وكلك

تحياتي

حسن

حياك يالغالي وشكرا لمرورك الكريم

اقتباس:

---

المشاركة الأصلية كتبت بواسطة سامي العطاوي

شايع الشايع
صح لسانك
ورحم الله والدك واسكنه فسيح جناته
وأسأل الله العلي القدير ان تكون الفردوس الاعلى نزله
ويصبركم ان شاء الله ويجعلها آخر الاحزان
وماهو بس انتم اللي تدعون له كلنا هنا اخوانك واهلك
وبندعي معك

---

سامي العطاوي
الله يقبل دعاك ويجزاك الف خير
مافيكم شك ياسامي.. ولاني اجربكم .. والقلوب شواهد ..(السبعه =اخواني :)) الله يصلح العطا
والله لا يرد ما دعينا
تحياتي يالغالي .. مرورك شرف

غلا ابوها
ياهلابك .. صح بدنك

تحياتي يالغاليه

كاسب العز

صح بدنك شرفتنا بمرورك

ومبروك الالفيه 13 :)
<<<<<اول المهنئين :)

شايع الشايع
صح لسانك
ورحم الله والدك واسكنه فسيح جناته
صح لسانك مدد00 قصيده مؤثره
دمت ودام عزك

صح لسانك مرثيه بالوالد رحمة الله عليه جميله جدا
وعساه اخر مكروه والله يغفرالله ويغفر لجميع المسلمين الاحياء منهم والاموات

شايع سلمت ولا هنت واللي يرحم ابوك واموات المسلمين اجمعين

شايع الشايع..

قصيده جزله ..صح الله لسانك..

وسلمت ..
تقبل مروري