اه يااادنيــــا...
دقيقه يا دنيا
ابكتب لك رساله
يمكن هالرساله توصل حدك الطاغي
وتهدم جبل بقلبي من الحزن جافي
دقيقه يا دنيا
دقيقة حداد لقلبي اللي انكسر
دقيقة حداد لوقتي اللي انهدر
دقيقة حداد للحظة سهر
/
//
/
http://stranger.persiangig.com/pic2/love%20(543).jpg
و الحين تبدأ الآه يا دنيا
في شي على خدي يسيل
مطر ... بحر... يمكن دموعي بهالقدر
تذكرني بجرح العمر
تكتب دموعي كلمتين
الحزن ما منه مفر
و تعلمني من الكلام اليقين
انه بكل أحوالي قدر
/
//
/
آه يا دنيا
خلاص بعد رحله طويلة
الحزن كسرني
خلاص تعبت يا دنيا
الحزن حطمني
/
//
/
آه يا دنيا
مين يبكي جحود الأوفياء ؟
مين يبكي طعون الأصدقاء ؟
مين يكتب الصدق فـ زمن الرياء ؟
كله أنا
و المشكلة فيني لو طعنت ما يبكي إلا الأبرياء ؟
/
//
/
آه يا دنيا
ممكن تخليني أسألك بهدوء ؟
أسهل سؤال بهدوء
ممكن تخليني بهدوء أناممــره و ابتسم
أكيد جرحي يلتئم
أبغى وساده مثل البشر مو وسادة ألم
جنبها الأول وهم وجنبها الثاني ندم
و كل مره أنا بوجودها أحسها صارت عدم
آه يا دنيا
ممكن الحين تخليني مره أنام مبتسم ؟
/
//
/
آه يا دنيا
دخيلك اسئلي الحزن
و بلغيه لا يلف عليّ ولا يدور
هذول الناس أنا أحبهم وأعاملهم بصدق و شعور
و أخاف أجرحهم بدون شعور
يا دنيا أحس الطعنه كبيره بظهري
أحس فيني آهات مقهور
أحس خنجرك فيهم على خاطري المكسور
/
//
/
آه يا دنيا
دخيل الجمال اللي فيك لا تأذيهم
دخيلك لا تأذيهم
دخيلك يا حزن دامك بحر مجبور أني أبحر فيك
تسكني و اسكنك ... نهايتي أنت و انتهيت أنا
و مليت موت الأمنيات
و مليت جرح الذكريات
دمعة ألم بكيتها عشان معاي مع الألم أمسيات
هذي مسافات الحزن في ذمتي بكتبها بحروفي الجميلات
أنا بديت يا قلبي وهم
و كانت نهاياتي وهم
لكن صعب على الحساد
شوفتي مكسور بسبب وهم
/
//
/
آه يا دنيا
يا بشر أنا الألم أنا المستحيل
أنا اللاوجود في السراب
مثل العدم أنا الندم
لأني حسبت الطيبه وفا
حسبت الطيبه حلم
بداخله طفل غفى
لا يا دنيا ما رجيتهم العطى
أبد ما بغيت منهم عطى
بغيت لامن بكيت
و هلت بعيني دمعه و انتهيت
ألاقي حضن يعطيني دفا
/
//
/
آه يا دنيا
علميها يا حروفي هالدنيا السقم
و كيف العشق في حضن الألم ؟
و كيف النوم على وسادة وهم ؟
علميها وين الدفا
و كيف الجفا
في قلب علق على بابه عدم
علميها قول القصيده
بحروف القهر اللي لصدقها ما عرفت ندم
/
//
/
و الحين ابهمسلك يهالدنيا
كيف ابعطيك قلبٍ يعيش فيه الألم
،،
تحيااتي
