لا لن ينال المجد من لم يضارس...حتى يذوق الصبر كاسٍ ورى كاس

السلام عليكم ورحمة الله وبركاتة
جديدي لكم غرابيل
.
.

[poem=font="simplified arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]


يا صاحبي ما كل خيّال فارس=ولا كل من طال الشواهيق قرناس

ابريل يبطي ما سبق شهر مارس=والناس ذا عالم بها خالق الناس

كلٍ على ما يهتوي له يكارس=والعلم مايخفاك والناس أجناس

شخصٍ بفن الهمز واللمز دارس=يضحك بوجهك لكن العرق دسّاس

من دس حقده وسط كبده وخارس=وكاد يظهر لك مع الوقت عسّاس

ناسٍ على نشر الرذيله تمارس=تمشي مع ممشى العرابيد الانجّاس

وجيه عن جهد البلاوي فوارس=لها بهذا النهج خبرات ومراس

وقلوب خطت بالضماير فهارس=ذنوب حظٍ كسر الصخر والفاس

أقصد بمشيك خل مشي الغطارس=الكبر شين احسب خطاويك بقياس

لا تحتّقر مخلوق دهرك مدارس=كليب ذاق الموت من رمح جساس

الطيب نبّته ما لها غير غارس=شجرة وفا من غصنها لسفل الساس

لا لن ينال المجد من لم يضارس=حتى يذوق الصبر كاسٍ ورى كاس

النجر هاته يا حفيد الضوارس=شب الحطب والبن طشّه بمحماس

وأترس لنا الدله من الهيل تارس=ومد لي الفجال واعدل به الراس

جاهدت بالدنيا قلوبٍ شوارس=لكن دحرت اعداي بفعول نوماس

ما دام لك يا دولة الشعر حارس=لاباس نوّخ هاجس الراس لا باس[/poem]

.
.
تحياتي للجميع / عبدالرحمن الشهري

اقتباس:

---

شخصٍ بفن الهمـز واللمـز دارس

يضحك بوجهك لكن العرق دسّـاس

---

الله يبعدنـآ منهم :(

سلمت ..

لا لـن ينـال المجـد مـن لــم يـضـارس

حتى يذوق الصبـر كـاسٍ ورى كـاس

اجمل بيت