آه .. ما شين الرياض .. احيانا ..!!!

ياشين شوارع الرياض بعض الاحيان .. مدري وش شايف بدر بن عبد المحسن فيها ... (( يقول ... آه ما ارق الرياض !!!!!!!!!!))مع ان شعره يعجبني جدا بس مدري وش هالمسكه على الرياض
مشاهدات خلال زيارة دكتور الاسنان ...!!! .. وعلى فكره هي مشكله عامه في المدينه وفي اي مشوار .. الله لا يوريكم من يغثكم

[poem=font=",6,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
لابارك الله فالليالي والايام =الى تحد ابن آدم لكل ضيقه
ولا بارك الله في بشر شبه الانعام=والله مدري كيف امه تطيقه
بغيت مشواري لدكتور الالام=في سكةٍ من زارها نشف ريقه
ان جيت للشارع تبالشت بزحام=والا صديق مسكره مع صديقه
لا بارك الله بالفضاوة والاوهام=هو عند نفسه فوق كل الخليقه
دايم يشوف انه على الكل ضرغام=ماجاه احد رنه وشاف الحقيقه
ليته على هذي وانا فيه مانلام=قلت اتعداهم بأية طريقه
قلت اباوقف قال موقفك قدام=مواقف الدكتور عند الحديقه
حتى الضعيًف في مواقفه منضام=لقيت فيها فاندام ورفيقه
لكن دريت انه ذكي ولد الاشوام=يجي مريضه جاهز بدون ريقه[/poem]








[/poem]

صح لسانك . .

آه يالدائري الشرقي . . آه ياالدوااام ويامدرستي العزيزه . . .ليه تسوين فيني كذا كل يوم . .

أستلم استلم :



الدائري الشرقي خنقني فالاحلام . .
وأصحى وأشوف الحلم مثل الحقيقه . . .

يازين الرياض حتى لو شوارعها ضيقه
مالوم الامير بدر بن عبد المحسن بغلاها
صح لسانك شاعرنا وبيض الله وجهك شاعر مبدع وكرمالك تصعد للاعلى
الله يوفقك

جزل يا شايع

لله درك

قلت وصدقت


صح قلبك وكلك


وسلمت اناملك


تحيتي لك

[align=center]
وفعلآ...(( ... آه ما ارق الرياض !!!!!!!!!!))
وصحً لسآنكٌ أخويٌ...
[/align]

شايع

صح لسانك وقلبك

بيض الله وجهك

لاهنت

معزوفة بفكرة جديدة ...
سلمت ودمت أخي للمميز العذب

اقتباس:

---

المشاركة الأصلية كتبت بواسطة تغريد البرقاوي

يازين الرياض حتى لو شوارعها ضيقه
مالوم الامير بدر بن عبد المحسن بغلاها
صح لسانك شاعرنا وبيض الله وجهك شاعر مبدع وكرمالك تصعد للاعلى
الله يوفقك

---

انشهد الرياض وبس

صح لسانك يا الشايع

الله يعطيك العافية على هالكلمات الرائعه

نواف الغلا

الرياض كوم ... والدايري الشرقي وخريص كوم

الله يعينك عليه

المفروض يغيرون اسم خريص .. ويحطونه طريق قولون السريع :)

شكرا لمرورك نواف

تغريد
الرياض زنه كــ مدينه في الصورة

لكن الي يمشون فيها .... مالك لوا

احس اني في عرفه كل يوم

تحياتي .. وشكرا لتواصلك

مرور عزيز يا بو عبدالرحمن

وصح بدنك وكلك

تحياتي يالغالي

اقتباس:

---

المشاركة الأصلية كتبت بواسطة ساره البلوي

[align=center]
وفعلآ...(( ... آه ما ارق الرياض !!!!!!!!!!))
وصحً لسآنكٌ أخويٌ...
[/align]

---

:11bb:

لحد يزعل علينا:icon_lol:

حياك ياساره

اقتباس:

---

المشاركة الأصلية كتبت بواسطة كاسب العز

شايع

صح لسانك وقلبك

بيض الله وجهك

لاهنت

---

كاسب العز

صح بدنك وكلك

ووجهك ابيض

ولا انت

:icon_lol:

لين القسا

تحياتي وشكرا على الحظور الجميل

غربة الروح

صح قلبك

شرفنا مرورك

تحياتي