ليش وغيرك آلووووف يتمنى عيشتك ويتمنى والله جزء من الي انت فيه،بس فكري كويس وعددي نعم ربنا عليك كل يوم كل يوم كل يوم!
مره وانا في السوق واحد وأمه شكلهم فقراء واقفين عند محل سينبون
فطيرة القرفة ، ويطالعون بالحلى الي عارضينه ويتفرجون وطولوا وهم بس يطالعون فيه .. طلع الولد كل الي معاه والام طلعت الي معها
كله على بعضه ما جا 4 ريال !!!
تخيوا سأل الولد البياع اذا فيه شي من السينبون الي عارضينه بأربع ريال قاله: لا يا دوب تشتري فيهم مويه
شفت في عينه نظرة انكسار وبوؤس مو طبيعيه لا هو ولا امه
شي يبكي ويعور القلب!!
احمدي ربك عشان ما يسلب نعمته عنك
وبالشكر تدوم النعم
ولأن شكرتم لأزيدنكم
هذه قاعدة ربانية لابد تتحقق
طبقوها وجربوا
الشكر كيف يكون ( بالعبادة بالصلاة بالاستغفار بالاذكار والاعمال الصالحة)
بتسألوني كيف عرفت
اقرأوا سورة الكوثر وقريش والنصر ) وشوفوا ربنا كيف امرنا نشكر النعم
اكمل
صلي لك ركعتين عشان ربي يرحمك
ويرفع عنك الضرر
احمدي ربك على العافيه والله يابنات اني كنت يوم من الأيام ضااايق صدري من موقف صار لي مع استاذة في الجامعه
وأنا أمشي كارهه الدنيا
وكان في قدامي ثنتين أشوفهم يتكلمون بس اللي لاحظته إن حركة إيدينهم كثيره ومو طبيعية !!
يوم قربت اكتشفت إنهم
ثنتينهم
صم وبكم !!
ما يتكلمون
بنات صغار عمرهم اقل من عشرين والدنيا قدامهم مايتكلمون
محد يفهملهم
والله اني استحقرت همي ونفسي
قلت يارب انت انعمت علي انا كل يوم اتكلم مع أهلي
هم لأ !
أنا إذا بغيت أصرخ صرخت
هم لأ !!
أنا أسولف مع صاحباتي والناس أضحك أبكي أنكت أتعرف على كل الناس أتكلم مع أمي أبوي
هـم لاء !! =(
كل يوم لساني أحركه مليون مره وما عمري قلت الحمدلله ياربي إني أتكلم
إيش كنت أقول
ضايق خلقي ولا حد يكلمني
مالي خلقكم
ولا حد حاسس فيني
والله ولا شي ولا احد بالدنيا يستـــاهل همي !!
إذا عندك هم صلي ركعتين واطلبي ربك يفرجها عليك
لاتذلين نفسك لخلقه
ترى كلهم ضعاف
ما راح يسوون لك شي
وتذكري كلامي مايعني انه نطلب من الناس بغلاظة حتى ما نذل نفسنا لهم
لا بالعكس ربنا خلقنا علشان نعين بعضنا واذا احتجنا شي من احد نستعين فيه بعد الله على قاضاء حاجتنا ونطلب بلين ورفق ،لانه دايما الي ما يجي باللين ما يجي بالقوة
احتسبي أجر البلاء عند ربك
واحمديه حتى على البلاء
ان ربي بيكفر لك به ذنوبك
اللي يشوف أهل البلاء يوم القيامه يتمنى ان جسده قرض بالمقاريض
حنا المرض الخفيف ما نتحمله
احمدي ربك على كل بلاء
لأنه خير والله لك
وانتي اللي في النهايه بتلاقينه حسنات
ولأن الدنيا ماااشيه
وبتنتهي بيوم من الأيام
ومرح تبقى كل النعم اللي اليوم انتي تطولينها
مرح يبقى إلا عملك
حنا ياجماعه همومنا موقفتنا عن كل شي
ماعندنا غير نندب حظنا
وعملنا
ودنيانا
ماسوينا شي
ياجماعه أنصح نفسي قبلكم لأني الله يعلم بتقصيري !
وقلة صبري ..!!
وضعفي ..!!!
نبي كل شي لنا وإذا نقصنا شي
تركنا كل اللي عندنا وقعدنا ننوح طول حياتنا على الناقص
إذا ارتفعت حرارتي ماتحملت وقعدت أصيح طول الليل
وبلال كان يضرب بالصخرة العظيمه الحاره بصحراء مكه
وهو يقول
أحــــــــــــدٌ أحــــــــــــــــد
شوفو اجره يوم القيامة
ياجماعه فكروا بس وش سويتوا ؟
وشو البلاء العظيم اللي مريتي فيه واللي بيكفر لك ذنوبك ؟
هذا طبعاً إذا احتسبتي الأجر وماكسبتي زيادة سيئات بالقنوط
وسوء معاملتك لاهلك والناس !
إنتي عندك مشكله مع زوجك؟
بلاء في واحد من عيالك؟
مشكله مع صديقه؟
جفاء شخص تحبينه؟
ابتلاء في أمك وخواتك؟
عندك أب أو زوج أو أخ
ظالم؟
عندك ابن أو أخ هايت ضايع حارق لك قلبك ؟
مشكله مع زميلة دراسه-عمل؟
حالتك المادية سيئه؟
فيك مرض مزمن خطير؟
أقول في كلا الأحوال احمدي ربك إنك مش في فلسطين ولا العراق
عرضك مستباح
دمك مستباح
تصبحين خايفه وتنامين تعدين عيالك قبل يفجعك الصبح الثاني
بواحد منهم
احمدي ربك إذا أصابك واحد من هالإبتلاءات إن ربي رفع عنك بقيتهم
إذا أصبتي بالتهاب في الحلق فاحمدي الله أنك لم تصابي بسرطان في البلعوم
وإذا أصبتي بمرض في القلب فاحمدي الله أنك لم تصابي بمرض القلوب الأعظم ( الكفر )
وإذا أصبتي بمرض في عينيك فاحمدي الله أنك لم تصابي بالعمى
حنا في نعمه
ليه نجحدها؟
ليه ننكرها؟
ونخلي ربنا يسخط علينا
ربي رحيم
كريم
يعطي ويداه مبسوطتان
وحنا
نشكي لفلان وعلان
محد بينفعك
وإن نفعوك فإن ربي هو اللي يسّر لهم !
في الثلث الأخير من الليل كل يوم ربي ينزل للسما الدنيا ويقول
هل من داع فأستجيب له
كل يوم ياجماعه
كل يوم
وحنا كل يوم
وش نسوي !
فكري بجد
قاعده على النت
ولا تسولفين مع صاحباتك عالمسن !
ولا تلفزون ولا فيلم ..
ولا نااااايمه
وربك العظيم جل جلاله نازل يسمع مطالب عبده
ربي مايرد إيدينك إن رفعتيها
ربك كريم
عندك مشكله
هو ملاذك
اشكي لــــه
كل شي
مشاكلك الكبيره والصغيره
الصحابه كانو يسألون الله حتى في شراك النعل !!
وربي إن ما أجاب دعوتك ألحين
بيثيبك على دعاؤك
وبتاخذين أجر من إيش؟ مجرد سؤال
وبيبرد على قلبك
ربي ما بلاك إلا لأنه يحبك
ربك قدير يقدر يبلي فلان من الناس وفلان
لكن
اختارك انت
ليه؟
في أحلى شعور من هذا =') !!
بلاءك مايزيد من ملكه شي سبحانه
ولا ينفعه بشئ
ينفعك انت
ربك يحبك
يبي يجمع لك رصيد
تلقاه بعدين
البلاء مو شرط يكون مصيبة كبيرة أحيانا يكون مشكلة صغيرة يعني حتى الشوكة تدخل في يدك تعتبر بلاء فاصبري واحتسبي واشكري
واقرأي هذا الايميل مرارا وتكرارا وخبيه عندك في ايميلك عشان تقرأيه كل فترة وفترة ،وارسليه لمن تحبين
وادعي لكاتبته ومعدلته
أسأل الله أن يرفع عن كل قارئ كربه ويفرج له كل ضيقه ويفتح على قلبه ويهديه وييسر أمره ويكشف ضره إنه سميع سبحانه مجيب الدعاء
إن رباً كفاك ماكان بالأمس
سيكفيك في غدٍ ما يكون
.................................................. ..............................................
كلمـــــات أكــــثر من رااااائـــــعه
أتمنى تعجبكم مثل ماعجبتنـي
..صحيح الدنيا ماتستاهل
