حـسـرة زمـن

السلام عليكم ورحمة الله وبركاته

للتواصل معاكم معنى اخر


[poem=font=",6,darkblue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
سيف وصقر وبحور وصدور ومتون=في شخص صادق يشتكي وقت كذاب
حسرة زمن لاشكل لاطعم لالون=غلطة مصدق وافتراءات نصاب
امسى ضحيتها مشتت ومحزون=لاقبله ولاله مصلى ومحراب
اقبل حزين ومن عنى الوقت مغبون=شايب ولو انه على طول ماشاب
جرحه عطيب وكله جروح وطعون =منصاب من ضيم الدهر حيل منصاب
لحظة وصلني ينتظر مني العون=فتحت له في داخلي عدة ابواب
اعالج جروح الزمن فيه ويكون=معالج جروح الزمن في بخطاب
ارحل معه وابدع وانا فيه مفتون=ويطيب فكري كل ما صاحبي طاب
اعطيته اغلا ما املكه وهو ممنون=والبسته افكارٍ جديدات وثياب
انا وهو وهوه وانا نعمر الكون=وهوه وهم وهمه وهو مثل الاغراب
يزخرفون القول من غير مضمون=ويزودون الهم من كثر الاسهاب
فضاءهم ضحله ولايستطيعون=عند المخاض وبعد لحظات الانجاب
ياكثرهم لكن فجأه يموتون= واللي بقي منهم ذليلٍ ومرتاب
اعداء تحت جنح الظلام يتمادون=ويحاربون اللي عن افكارهم تاب
اضداد فالفكر الدخيل ومظلون=ابناء وطن راحوا ضحيه للارهاب
سيف وصقر وبحور وصدور ومتون=ابعد مدى في فكرهم نظرة اعجاب!!


[/poem]

خلف الروقي

الله الله ابداع

صح لسانك وقلبك

وبيض الله وجهك

لاهنت

ابدعت بارك الله فيك وطوعت القوافي كيفما تشاء صح لسانك مليون

صح لسانك .....

[align=center]
صحً لسآنك..
[/align]

تحدثت عن فئة لا خير فيها والله يبعدنا عنها

بحروف جميلة صاروخية عليهم ,,

صح صح إلسانك مدد بلا عدد

وبيض الله وجهك

الله الله
صح الله منطوقك
ولاهنت

الشاعر خلف
صح لسانك مليوووون ولا يكفوووون
ابيات جزله من شاعر جزل ومتمكن من الشعر
دمت ودام نبضك

الله عليك يابو حمدان
لازال الشعر بخير

مادام قلمك وبوحك ينزف لنا ابداعه

صح لسانك مدد بلا عدد

ودي وتقديري

صح لسانك