لغه مالها حروف

السلام عليكم ورحمة الله وبركاته
وصلتني دعوه للإنضمام إلى هذا المنتدى وأحب ان اضع قصيدتي بين يديكم ..
أتمنى أن تنال إعجابكم




كانت بفوضى..... ودها تكتـشـفـني=هي مادرت اني لغه مالها حروف
كانت تحاول واعجزت لاتعرفـني=غامض..مثل:طفل عجز يشكي ظـروف
مع الشتا..كانت تجي تلتحفـني=وانا اشكي من البرد والليل والخــوف
كن الغلا..وحش الظلام وخطفني=موجود معكم..بس انا انسان/مخطـوف
كم قلت:لاتروحين,..وابقي بجفني=نهي{ن} عن المنكر,, وامر{ن} بمعروف
ولو ابعدت..يبقى غلاها يعزفـني=في صوت عااالي باعترافات مكسوف
ياكم سؤال مرني مانصفني=اسال ابكشف شي..ماهوب مكشوف
من كتف الاحلام؟..او..من كـتفني...=من شان يرحل خل عن خل مكتــوف
ادري غلاها,,ان ماحذفته,, حذفني=والصعب نزعه..كنه الشوك بالـصوف
من عزتي ابكي..ولاحدن كشفـني=لان دمعي ينحدر داخل الـــجوف!!
وان مت ابيها..هي..تكتب بكفني={الله يرحم..هاللغه..مالها حـــروف}

حياك الله ياعبدالله وسعداء بتواجدك

صح لسانك مدد

[align=center]
ولو ابعدت..يبقى غلاها يعزفـني=في صوت عااالي باعترافات مكسوف

صحً لسآنك..وحيآك الله أخوي
[/align]

صح لسانك وقلبك

بيض الله وجهك

لاهنت

نسعد بتواجدك بغرابيل اهلا بك
وصح لساااااااااااانك ولاهنت قصيده رائعه