لو لقيت أحد يحبك مثلي ويغليك ؛؛ أصرخ وقول أشهد أن الأصابع تساوت
__________________________________________________ ___
اخترت قلبك ماتخيرت غيرك ؛؛ ابيك تشغلني وابشغلك فيني
وأبيك تعطيني من أقصى ضميرك ؛؛ حب يعوض ما بقى من سنيني
__________________________________________________ ____
بعيدة حيل والله ترى آمالك عن آمالي ؛؛ ولا مثلك يأثر بي ولا عشره من أشكالك
اذا هالأرض منزلك أنا التبانه منزالي ؛؛ لو انك تنتحر والله ترى بالحيل أشوى لك
__________________________________________________ _______
العبرة اللي لها يومين تخنقني ؛؛ خذيت منها على مر الزمن عبره
تأمرني أنساك بنسى وش يمنعني ؛؛ لكن اليا جيت في بالي وش الدبره
العبره اللي منك قسم الله تذبحني ؛؛ ما أقوى عليها والبعد ما أقوى صبره
__________________________________________________ ________
والله وجيتي يالعنيده تخطين ؛؛ عقب الجفا والصد والهجر جيتي
كلك أمل بأحلام عمرك تغنين ؛؛ وعلى اصدق رسوم المحبه بكيتي
جيتي ندم من لوعة البين تشكين ؛؛ وانتي من أول للقطيعة سعيتي
وش رجعك وانتي من أول تحامين ؛؛ حتى على أصدق من يحب انعميتي
__________________________________________________ __________
القلب بعد سنين حبك طعنتيه ؛؛ قصدك تذلينه عذاب ولعانه
وياما تعلق في هواك وقتلتيه ؛؛ غدر وفوق هذا _ _ _ خيانه
ودي أعرف اللي بدالي عشقتيه ؛؛ وشلون يصبح وسط قلبك مكانه
__________________________________________________ ________
ليا جيت أبيهم بالمناظر يهجون ؛؛ نعام تدفن روسها وسط رملي
ياصاحبي ماهمني مايقولون ؛؛ يكفي لحالي شايلن كل حملي
ياجعلهم في كل وادي يضيعون ؛؛ ويصير بنيانه علي حجر نملي
وجعلهم وسط الرذايل يخوضون ؛؛ عند العرب نسمع لهم سؤ عملي
كلمات الشاعر عبدالمحسن محمد المشاري
