عرض للطباعة
[align=center]السلام عليكم ورحمة الله وبركاته[/align]
كيفكم حبايبي الله يديكم العافية يارب طالبتكم الله لا يحوجكم ان شاء الله
الموضوع ومافيه انو عندي درس في وحدة الغذاء وعرفت بطريق غير مباشر انو الموجهة بتحضرلي فيه للتقييم وهو (كل كائن حي يحتاج للغذاء ) الصراحة محتارة مررررة فيه ياريت اللي تقدر تفيدني بأي شي لاتترد الله يكتبلها الخير ان شاء الله وين ماراحت
[align=center]
:weeping:
[/align]
حياك شنكوتة
ان شاء الله يجي من يقدر ايساعدك
يعطيك العافية
اختاري صور او مجسمات لانسان اوحيوان
ممكن تحطين صور للانسان وهو ياكل او الحيوان وطرحي اسئلة تفكيرية على الاطفال
ممكن يصنف الطفل الطعام المناسب للانسان والطعام المناسب للحيوان
هادي فكرة جات على بالي وانت نسيقيها
تقولي لهم مامعنى الكائنات الحية؟
طبعا تحاولي تقربي قد ما تقدري
بعدين قولي لهم طيب ماهي هذه الكائنات الحية عددها؟
كيف نعرف إنه هذا كائن حي ؟
مثلا حيقولوا لك يتنفس
يكبر , وانت تحاولي تشجيعيهم وتقربي
ويتكاثر
وأيش إلى أن يصلوا إلى الغذاء
بعد كده تقولي لهم
مثلا دحين فراس إذا ما أكل أيش يصير فيه؟!!!!!!!!!
البسة إذا ما أكلت ايش يصير فيها؟؟؟؟؟؟؟ظ
الزرع النبته إذا ما سقيناها موية أيش يصير فيها ؟؟؟؟
وطبعا مع كل سؤال لازم يجاوبوا
وبعد ما تنتهي من هادي الاسئلة قولي لهم
طيب إحنا ليش ناكل؟؟؟؟
علشان نقوى ونقدر نصلي (هدف وجداني )<<<< وفصلي نوعا ما
لما ناكل أـكل مفيد نقدر نحفظ ونذاكر
وهكذااااااااااااااا
إن شاء الله أكون أفدتك
بشرينا بعد ما تعطيهم الدرس
الدرس مررررررررررررة كان حلو والأطفال تفاعلو معايا الله يديكم العافية يارب
حلو والله فرحت لك
طيب قولي لنا أيش سويتي
إشرحي لنا علشان نستفيد أكتر واكتر