ممكن مساعدة

ابي لوحة تعزيزية للصف الرابع وبسرعه ارجوكممممممممممممممم

مالمقصود بلوحة تعزيزية
ولأي مادة تريدونها

للصف الرابع كل المواد

السلام عليكم
انا عملت لمادة القران البطاقات الفضيه والذهبيه مدري اذا عندك او لا
بس نتيجتها فعاله وتحمس الطالبات على الحفظ
وهي سهله وتنفيذها على برنامج الوورد و تصميمها على أي شكل تحبيه وتكتبين عليها
ا البطاقه الفضيه
طالبه مجتهده في مادة .............
الصف ................

بعدين تكررينها بحيث تستوعب الورقه 12بطاقه (طبعا تطبعين كذا ورقه لانه لازم يكون عدد البطاقات الفضيه اكثر)
وتغلفينها بالمكتبه وتقصينها بحيث تكون كل بطاقه منفصله
والذهبيه بنفس الطريق بس يكون لونها مميز
واللي تشارك معك وحفظها مميز من الطالبات
تعطيها بطاقةفضية واحدة فقط ..
للمشاركات المتميزة يمكن إعطاءها بطاقتان فضية
وتسحبين من الطالبة المقصره في الواجب ..

وكذلك الطالبة المشاغبة في الحصة .. تسحبين منها بطاقة فضية ..

يمكن للطالبة أن تحصل على أكثر من بطاقة فضية فينفس الحصة ..

يوم الأربعاء يتم الاستبدال : 5 بطاقات فضية = 1 بطاقة ذهبية
اجعلي طالباتك يتفاعلن أكثر بقولك : هذا السؤال عليه بطاقة ذهبية
ولك حرية الاختيار في الجوائز اقلام ساعة
اتمنى ان وضحت لك الفكره وللمعلوميه هالطريقه لاحد المبدعين في مجال التعليم لااذكر اسمه بس جزاه الله الف خير

فكرة بسيطة للتشيجع

واسمها صندوق السحب

فكرتها : كل ما يجاوب طالب اكتب اسمه في ورقه صغيرة

واضعها بالصندوق .....وبنهايه الاسبوع نسوي سحب ونختار ثلاثه اسماء

يفوزا بهدايا حلوة

صدقوني نتيجتها روووعه .....لما يشوفوني الطلبه اجيبه بالحصه

يتحمسوا ويشعللوا الحصه ....وراح تفرحك اذا عندك زوار بالحصه

هذه هي صورته
http://img32.imageshack.us/img32/208/0076i.jpg

وشوفوه من الداخل

http://img188.imageshack.us/img188/4963/0077m.jpg

وهذا من الجانب

http://img32.imageshack.us/img32/2654/0078h.jpg


بنات ترى كل اللي احتجته

كرتون حذاء(وانتوا بكرامة )+جلاد ملون +استيكرز للتزيين
وبس

شفتوا البساطه


نكمل مع اللوحات التشجيعيه

هذه اللوحه اسمها بنك المدرسة
بالانجلش (The School Bank )

فكرتها : سويت لوحه على شكل بنك داخله خزانات فلوس

وكل طالب له خزنه خاصه فيه

كل ما يجاوب بحط له فلوس داخل الخزنه
وبنهايه الاسبوع نعد الفلوس داخل الخزانات والاكثر يفوز بجائزه

طبعا تقدرون تسوونها على شكل مجموعات يعني بس اربع خزاين
اوفر من 25 خزنه ...انتي وراحتج

هذه هي اللوحه


http://img19.imageshack.us/img19/8572/49842058.jpg
سوري في كم خزنه طاحت ........


هذا شكل العنوان .....عباره عن ورق طبعته بالطابعه على شكل غيمه

وقصيته وجلدته بالجلاد الشفاف عشان ينحفظ

http://img13.imageshack.us/img13/6544/60811923.jpg


وهذا شكل الخزانه من قريب .....عباره عن صورة خزانه طلعتها من النت

وكررتها وجلدتها بعد وقصيتها ولصقتها على الكرتون الصغير

لاحظوا الفلوس بالداخل


http://img37.imageshack.us/img37/4374/85227942.jpg


هذا شكل الكرتون الصغير .....مثل العلب اللي نحط فيها الخواتم عند ابوميه

بقصها والصقها بمسدس الشمع بحيث يكون الجانب الفوق مفتوح بس

http://img31.imageshack.us/img31/9534/97400363.jpg


وهذه صورة الفلوس ....طبعا صورت فلوس عندي بالسكنر او من النت انتي وراحتك

وكررتهم وطبعتهم وجلدتهم وقصيتهم

http://img44.imageshack.us/img44/7849/17041714.jpg

وايضا الفكره ذي طبقتها ونتائجها رائعه وطبعا منقوله
اتمنى اكون افدتك

حكاية حلم
بارك الله فيك ونفع بك

يعطيك العافية