يا ما كتمت الحزن والحزن عيّا
بعد الغياب نعود بهذه المتواضعة أتمنى أن تحوز على شيء من إعجابكم
[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""] يا ما كتمت الحزن والحزن عيّا = الا بيرسم له على وجهي أشكال
يا حزن لاقي تحت الأضلاع فيّا = وش صيَّرك دمعً على الخد همال
أحرجتني والجرح لا زال نيّا = بدمعاتك الي حطمت كل الأقفال
باح الكنين ولا بقى منه شيّا = الا على لسان العرب قيلً وقال
فرقا الحبايب يكوي القلب كيّا = يا ما سهرت الليل همً وغربال
همً يلازمني صباح وعشيّا = وأنسى ولا انساها تفاصيل شوال
وشلون ابسلى الزين سمح المحيا = لكنها الدنيا مقادير وآجال
يا وجد حالي يوم سلّم عليّا = والدمع في محجر عيونه ولا سال
ويا وجد حالي يوم قام وتهيّا = وضاقت بي الدنيا من الجال للجال
أقفى وكنّه قال للقلب هيّا = واقفى معه قلبي على الطوع بالحال
غروً لك الله زود الغي غيّا = حسنه عديمً ما له أشباه وأمثال
من رحمة الله ساتره بالعبيّا = والا يَكَم عقلً لبيبً بيهتال
تفداه روحي وكلَّ ما في يديّا = ولا همني لو يكْثر الهرج عذال
ما دام حبه طاوي الحال طيّا = وذكراه لا زالت ومجْلسْه لا زال
بوقف هنيّا ومرً أجلس هنيّا = وأبكي على الذكرى مراسيم وأطلال
يا لايم العاشق ترفق شويّا = قبلي مضوا ناسً ومن قبلي الخال
سمعوا ونينه ساكنين العليّا = وانا على المسحوب جريت موال
ويا ما كتمت الحزن والحزن عيا = الا بيرسم له على وجهي أشكال[/poem]
وسلامتكم,,,
رد: يا ما كتمت الحزن والحزن عيّا
جزل يا عبدالمحسن
صح قلبك وكلك
وسلمت اناملك
تحيتي لك
رد: يا ما كتمت الحزن والحزن عيّا
صح لسانك ..لاهنت على القصيدة
رد: يا ما كتمت الحزن والحزن عيّا
وانت سالم وغانم
عبدالمحسن المشاري
صح لسانك والله لايهينك
تقبل احترامي وتقديري
رد: يا ما كتمت الحزن والحزن عيّا
[align=center] فرقا الحبايب يكـوي القلـب كيّـا
يا ما سهرت الليل هـمً وغربـال
صحً لسآنكٌ أخويٌ..
[/align]
رد: يا ما كتمت الحزن والحزن عيّا
صح لسانك ياعبدالمحسن على هذه القصيد المفعمة رقة وعذوبة
رد: يا ما كتمت الحزن والحزن عيّا
صح لسانك عنك انها جزلة من جزالة مبدعها بيض الله وجهك والله يستر عليك من شوااال...
رد: يا ما كتمت الحزن والحزن عيّا
الحمدالله على السلامه
بعد الغياب00اتيت بالروعه والجمال
صح حرفك ودام عزك
رد: يا ما كتمت الحزن والحزن عيّا
اقتباس:
المشاركة الأصلية كتبت بواسطة أبوعبدالرحمن
جزل يا عبدالمحسن
صح قلبك وكلك
وسلمت اناملك
تحيتي لك
أولاً أشكرك على تنسيق القصيدة وأسأل الله لك التوفيق والسداد,,
صح بدنك يا غالي وتسلم على مرورك الكريم, لا عدمناك أخاً عزيزاً ولك خالص تحياتي
رد: يا ما كتمت الحزن والحزن عيّا
اقتباس:
المشاركة الأصلية كتبت بواسطة (بنت أبوها)
صح لسانك ..لاهنت على القصيدة
صح بدنك وتسلمين على المرور العطر, وتقبلي تحياتي,,,
رد: يا ما كتمت الحزن والحزن عيّا
اقتباس:
المشاركة الأصلية كتبت بواسطة سامي العطاوي
وانت سالم وغانم
عبدالمحسن المشاري
صح لسانك والله لايهينك
تقبل احترامي وتقديري
أرحب يا سامي وصح بدنك يا غالي وأشكر لك مرورك الكريم, وتقبل مني أجمل التحايا وأعذبها,,,
رد: يا ما كتمت الحزن والحزن عيّا
الله الله
يا سلاااااااااااام يا سلااااااااااااااام
والله قرأتها بقلبي وإلساني وتغنيت بها وشلتها وسمعتها الكثر من هم بجاوري ,,
قصيدة رغم الوجع ولكنها راااائعه جداً وكأنني انا من قالها لإحساسي وأنا أتغنى بها أنا خارجة من داخلي ..
صح صح صح إلسانك وعلا الله شانك
رد: يا ما كتمت الحزن والحزن عيّا
رد: يا ما كتمت الحزن والحزن عيّا
اقتباس:
المشاركة الأصلية كتبت بواسطة ساره البلوي
[align=center]
فرقا الحبايب يكـوي القلـب كيّـا
[/align]
[align=center]
يا ما سهرت الليل هـمً وغربـال
صحً لسآنكٌ أخويٌ..
[/align]
سارة البلوي , هلابك وصح بدنك يا شاعرة, اشكر لك مرورك بمتصفحي لا عدمناك,,,
رد: يا ما كتمت الحزن والحزن عيّا
اقتباس:
المشاركة الأصلية كتبت بواسطة عَبْدُالرَّحْمَنِ العطاوي
صح لسانك ياعبدالمحسن على هذه القصيد المفعمة رقة وعذوبة
وصح بدنك يا لعطاوي وعسى عمرك طويل على الطاعة, شكراً لك على تفضلك علينا بالمرور بهذه المتواضعة,,,