تكوم الاف الاتراك

تكوّم الاف الاتراك اليوم شرقن
عن اسطنبول .. المراد انهم يحتجون على زيارة ريس ومدير امريكا الكمخه الاستاذ جورج بوش عشان يشارك بقمة حلف شمال الاطلسي ( الناتو) .. وقايلينن له نبي نطعمك منه يالكاوبوي ..

المهم ان ذا الاتراك شايشينن بالحيل ودلو يهتفون بااقوى حيولهم .. جعلك تسقط .. جعل يمناك تنشّل .. ووحدتن من ذا التركيات اللي مهنا باازين منها قالت .. جعلك للنباز اللي ينبز نواظر عيونك .. والله لو انهم بالدوادومي مهوب بتركيا ..



يقولون ان ذا اللي بيرجم بنعلته هو اوقع واحد فيهم ..

وان الحكومه التركيه تبي من بوش انه يقمع ذا المقاتلين الاكراد اللي قردوهم بقواعد شمال العراق .. ويقولون ان عددهم يجي حوالي الالفين رجال كل واحد منهم يمشي على زنده التيس من النشاط .. وان ذا المقاتلين جو تهريب لتركيا ..

مير ان بوش مهب لمهم لاهم ولا اكرادهم .. خاصتن يوم حشروه بسالفة الرهائن الثلاثه اللي متوعدتهم جماعتن اسمها التوحيد والجهاد بقطع روسهم .. ورا ذا العالم تهبلت ماعندهم الا تقطيع روس .. والله ياشكل سوق الروس والكوارع عندهم بيغدي برخص التراب من روس ذا العالم .. ولاهيب اي روس عاد .. روس اتراك يالله من فضلك .. وش تلقى مخه عاد ... تفكير حلاقين


تحياتي واشواقي
الشيطان المرح

مشكور اخوي علي الخبر

ويعطيك العافيه

سلامي لك

:بفكر:

يعطيك العافية اخوى ...


تحياتى .