لا مر طيفك وجال بليلي الحالك...ادمنت كني محشش تاق تحشيشك

بسم الله والصلاة والسلام على أفضل خلق الله

أحبتي أخواني وأخواتي المنتمين الى هذا الصرح الادبي الشامخ اضع بين

ايديكم هذه القصيده المتواضعه عسى ان تنال الرضا وتحظى بالقبول بعنوان( موبايلي )



[poem=font="simplified arabic,7,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
يا قو صبري عليك وزايد اهمالك=ويا وجد حالي على صدك وتهميشك
ويا شيب عيني على رقمك وجوالك=موبايلي تشتكي من كثر تطنيشك
كل ما بغيت أتصل واسأل عن أحوالك=جازيتني بالجفا من غيك وطيشك
حاولت اسايرك في دنياك واحيالك=وأبطيك اماشيك ما جتني طواريشك
لا مر طيفك وجال بليلي الحالك=ادمنت كني محشش تاق تحشيشك
ترى التغلي أبد ما عاده أشوالك=يا هيه وشلك علينا نافشٍ ريشك
قلبٍ عطاك الوفا ما اظن يبقالك=ما يحتمل لحظةٍ كذبك وتغبيشك
لو هو يجازيك يابن الناس بعمالك=ضيعت عمرك على وينك مع ليشك
تعب يداريك في حلك وترحالك=وأزرى يخاشرك في شربك وفي عيشك
جرحتني يا غناتي والله أقوالك=والجرح يا زين ما يحتاج تنبيشك
نسيت حلمٍ وفارس كان خيالك=لو غاب ليله تحس اشلون تشويشك
واليوم لو غاب ما يطري على بالك=ما كنه اللي بيوم أجتيح من جيشك
في وصلك العام كنت أرواك وأظمالك=واليوم جرب تجرع مر توحيشك
الساق لا داج يقفي ما تعنالك=روََّح وكثر الجفا قد هد تعشيشك
خلك لحالك كذا من حالك الحالك=وأنا على النذر لكشف خرابيشك
أنا على طيب فالي وأنت في فالك=شتان ما بيننا يا كثر تغشيشك

[/poem]
تحياتي للجميع/عبدالرحمن الشهري