حكايتي مع الديزل هع هع هع هع
في يوم ممطر والشمس الساطعه تغيب وراء الغيوم والقمر الهادي يطل علينا من بعيد وفي السماء نجوم تلالا من هناااااااك من اخر شي ابعد شي يعني <<< يمديكم على هالجمله
كنا اربعه مقلعين من ضمننا نكهة الديزل هو الرئيس وحنا متسدحين بالاستراحه نحذف بعض بالريموت سكت الديزل وحنا نسكت كلنا لاننا نعرف انه اذ سكت فيه مصيبه وطلعت لمبه فوق راسه وقال تجمعووو تجمعوو
قال وش رايكم نكشت؟؟! قلنا قدااااام يلعن ابو صدام <<<قديمه
المهم قال انت عليك العزبه = المعاميل والدحمي عطاه التيس ومرزوق عطاه الخيمه وهو عليه العراوي
رحت انا واصااايح من بعيد يومااااااااااااااااه يومااااااااااااااااه وين شنطة المعاميل وينها وينها قالت امي ياربي انك تصلحه هالمعوق وتخليه ذخر للامه العربيه والاسلامية قلت يومها وينها قالت باخر المستودع وراء الزوليه الي مطويه هناك بس انتبه من الداوديب والحشرات <<< امه مثقفه تقول حشرات
قلت اوكي واروح واخذ المعاميل والقى بوسط البريتز كم ظاطور متربعين قلت تمااام واقعد احك البريتز احكه يوطلع علي واحد قال وين يابو الشباب تمون اخذن بريتزنا قلت وربي انه بريتزنا امي قايلتن لي رح تلقاه بشنطة المعاميل قال : احلف قلت : والله قال : احلف قووه قلت : والله قووه <<< ظاطور ملكع
المهم قلت له هـــه <<< هـــه = حطيت سعابيل على اصبي الي بجنب الدوبي وحطيت زايد على رقبتي
المهم واروح اطشهن كل المعاميل بوسط الطشت واقولبهن واقولبهن واحطهن مرتن ثانيه واحملهن واركض للشله لقيتهم كلن مولم عفشه الا الديزل نايم وانا اقومه قلت ياخي قم انت ووجهك ولا قام واحك رجله بطرف الزوليه ولاقام واحكها احكها ويرافص بس ماقام وندخل بخشمه باغات معفطات ماقام ويقزوني الدحمي ومرزوق قال احسن احسن فوق راسك لمبه قلت اصبرو الين تكتمل وانا اروح اركض براء الاستراحه وادق بوري بالددسن حقته عاد هو مركب بوري هواء طااااااااط طااااااااااااااط وهو ينقز زي الاسد مثل البرق ويركب ويقزني بعين حاره وانا اسوي كذا براسي واسوي كذا بيدي <<< بترجمهن لكم
كذا براسي= مدنق واقول به يمين ويسار
كذا بيدي = اشبك اصابعي وافرقها
قال اخر مره من البراءة الي تنقط من عيونك بسامحك بس لاعاد تعودها قلت ابشر والله ماسويها غير هالمره ويركبون كلهم وحنا نقول له تراك انت القوي وانت الذيب ولد الذيب قال ايه انا اقوكم قولو الديزل حليل وحنا نقولها قال قولولها اربع مرات وحنا نقولها قلت انا تراء البنزين ماهو من القطه لان موترك يشفط بنزين وانت تشفط ديزل نبي نروح فيها قل قطتنا بترول قال الدحمي انا عنطي خطه <<< عنطي = خشمه مسدود
قلنا وش هي قال نحفر تسليب بطرول ونشفط لهم من التسليب قبل يكمل صقه الديزل بقارورة الماء الي بجنبه مادري هي ماء والا شين ثاني المهم وصلنا الكشته نفل الخيمه ونقعد ننزل الاغراض نبي نبني الخيمه ماقدرنا ماهو ماقدرنا ماعرفنا قال الديزل انا اعرف الحل عندي وانا ابو هندي المهم ماعرف صار هرجه خرطي من جنبها يقاله اني اعرف واني قوي وهو مايدري وين الله حاطه وانا اقول وخرو عاجيزن عن الخيمه واسويها لهم واحطها نظام شقق <<< طلع توم كروز على هالانجاز
يوم غابت الشمس وننزل المعاميل قال الديزل بطبخ لكم خابرين طبخه كله ملح بس انه اكبرنا قلنا يالله نبي ننام خفافي اصلن يعني لو مانصلح عادي قال تنام خفافي وانا موجود انا كنت مزبن لي قارورة تيم وبسكوت مينو للظروف المهم ويقطع البصل والطماط ولابسن حقت الطباخين الي تنحط فوق الراس على باله انه الشيف رمزي مادر انه الشيفه سالم <<< سالم اسم الديزل الصدزي ههههههه تحسون اني نكبه
المهم ويزبط هاك العشاء الي تأكل صوبعاتك من وراه يهبل العقل والله ولا طبخ عبد الرب ادريس طبخ طبخ ماهو لعب وقررنا بعدها نحطه الامير والطباخ <<< يلعنـ ام الفرق
وحنا مجمعين على النار والنجوم تلألأ في كبد السما والبدر الجميل يطل علينا من خلف كثبان الرمال البارده اتفق الجميع على ان اقول لهم قصيده من قصايدي <<< شاعر
قلت ابشرو بقول لكم قصيده بس ماهي من قصايدي من قصايد احد اخوياني الشعار الابرياء
قال هاتها قلت يقول الشاعر :
البارحـــــــــــــــــــ ــــــــــــه تني بنت مبليه *** معاملتها صراحه معي تعبانــــــــــــه
قالت كيف الحال قلت اهلـــــــــــــين يابـنيه *** قالت بغيت البنات وقلت غلطانـــــــــه
قالت بلاشــــــــــــــــــي دلع وقم ناد بدريـه *** وان كان هي نايمه صوت لسطانـــــه
قلت يابنــــــــــت الناس تراء حنا عزوبــــيه *** والكل منا يابنت الناس في شانــــــه
قالت بغيت ادردش معك لو تسمح شويــــــــه *** تراء قبل اتصل بك كنت طفشانــــــه
وقبل اكمل القصيده صاح مرزوق اثره قرصته عقرب ونقعد نعالجه نعالجه نمسك رجله نقول ابري ابري يارجل مرزوق الحبيبه وبرت وننام خلينا السهره ماكلمنها المهم يوم افطرنا الصبح وحنا نربط فرشه بالددسن ونسحبها كل واحد يركب على الفرشه مره على بالنا انها حصان وكل ماركب الواحد قال كرياب كرياب وقام يضرب الفرشه الين طحنا كلنا مافينا شده نقوم ونتسدح الين غابت الشمس من الصبح من التعب الي تعبنا
يوم قمنا كلنا جوعانين ونضرب بالجح مافيه الاا قوة فقش وضرب فقش وضرب الين طلع مع خشومنا وتجي سيارة عسكريم قال الديزل اذا جاء ابي اباشر لكم ونسكت قالو العيال احسن واحد فوق راسك لمبه قلت اصبرو
وانا اقوم عادسيارة العسكريم بعييييييييده واشر له اقول مااافيه تعال مااافيه تعااااااااااال
مافيه = اقولها شوي شوي تعال = اصوت اقوى ماعندي
وجاء الهندي ونشتري كلنا عسكريم الا الديزل صار مايكفن فلوسه وقال لي معك سلف ريالين وعطيته لاني كريم وللحين ماجني هذي كل السالفه .... انتهاء
تدرون وش الي قاهرني يوم جيت ابي اكل العسكريم قومتني امي تقول يالله قم صل الفجر قم قم ولا اكلته
الديزل يما انك ترجع فلوسي او تحلم انك رجعتهن لي والوجه من الوجه ابيض
هجوووووله :biggrin:
