السلام عليكم ورحمة الله وبركاته
للغياب اسبابه
واملي فالعذر منكم
اترككم مع جديدي
[poem=font=",6,black,normal,normal" bkcolor="transparent" bkimage="" border="none,4,white" type=2 line=0 align=center use=ex num="0,black""]
دفعني ظلام الوقت والبارق اللي لاح=لعله ينورلي طريقي بمسرايه
بديت اتفقد واقعي والظلام انزاح =عن الكون لكن داخلي ماله نهايه
شيكت الظلام اللي دخل خافي واجتاح=بقايا الامل لكن على الله مشكايه
متى تنجلي ياهم من داخلي وارتاح=وتصبح ترفرف داخلي للفرح رايه
رسمت العداء بيني وبين اصغر الافراح=وصبرت وصبرت وجيت كلي من اقصايه
عطيت الزمن لكن يدين الزمان شحاح=قتل فرحتي واغتال حلمي بدنيايه
وضعلي على مبدا طريق النجاح اشباح=وعزلني وغربني لوحدي وانا تايه
بعد تهت ياباب الامل لو معي مفتاح=تموت الوسيله كل ما ماتت الغايه
ولا يازمن يكفي من الماضي اللي راح=معاد احتمل طعنه من ايامي الجايه
مصيبه جنيت الشوك وانا اغرس التفاح=حكاية زمن لو الزمن كله حكايه
مناخ الزمان اللي بشتى الهموم اجتاح=وسط خافقي ماغّير اصلي ومبدايه
[/poem]
