عسكري البلادي

السلام عليكم ورحمة الله وبركاته
اقدم لكم قصيده للشاعر الكبير عايض بن زيد المغيري
بعضكم يتسأل من هو عايض بن زيد المغيري ؟
هو الشاعر الكبير عايض بن زيد المحاص المغيري العتيبي (رحمه الله ) وقد لقب
بـ ((العجراف)) لقوة قصايده وجزالة ابياته وهو من اشهر شعراء المغايره ان لم يكن اشهرهم على الاطلاق ومن شعراء عتيبه المعروفين , واحببت ان اطلعكم على بعض قصايده رحمه الله ومنها هذه القصيده المشهوره ويقول فيها:

ياهل الركيب قاطعات الرهادي = ما توصلون اللي على نجد مهيوم
حقي عليكم يالوجيه البوادي = والا اوصلو مني مراسيل وعلوم
قولو يقوله عسكري البلادي = كلام جندين من الغيض مهموم
حنا عساكر مقرعات التوادي =لباست المجند على غير تعلوم
ليا حل في تالي الركيب تنادي = عاداتنا والنا على الجيش مرسوم
واليا تجذا جري حرد الايادي = محوار ربعي مع اهل الفعل مفهوم
نثارتن للردن جدن عمادي = حماية الرجح ليا جن حثلوم
ربعي على شيب الغوارب عوادي = بياعة الغالي ليا قرر السوم
ربعي قبول الضيف من غير زادي = غير الصخا وألهم قوانين وسلوم
ربعي عتيبه سقم عين المعادي = ريف الضعيف اللي من الحال مضيوم
رحامتن ولهم نبين ينادي = ميالتن وألهم عوايد على القوم
كم من عقيد عقبوه الشدادي = خلي عشا للذيب ومجوع الحوم
كم عيطموسن لبسوها الحدادي = عقب الغلا لبسة زرابيل وهدوم
وان جاهم الطرقي بعلمن وكادي = يذكر ربيعن في اول الوسم مقدوم
يرعون بالخيفه كبار الهوادي = حم الشعاف مطيرة راقد النوم
بمسلبات يقطعن الفوادي = وسربت عيال كنهم عسكر الروم
ضمنن لها بمشقرات العوادي = ودرعن لها يوم اصبح الجم مزحوم
وان هبت ايام الشتاء بالاسادي = ذباحتن لضيوفهم قرح الكوم
يقلط على اللي كيفهن القنادي = واشناق حيلن فوقه العيش كاهوم
وبالعون مالي عن ربوعي قعادي = لا شك ما يكتب عن العبد مقسوم
والصدق يكفي عن كثير العدادي = ما قلت لي في ربعتي كذب ووهوم

وسلامتكم ...

ربعي قبول الضيف من غير زادي = غير الصخا والهم قوانين وسلوم
ربعي عتيبه سقم عين المعادي = ريف الضعيف اللي من الحال مضيوم

كفو مليون

بيض الله وجهك وصح لسانك

شرفني المقعد الاول

سعيد جداً أن اقرأ قصيدة نابعة من الشعر الاصيل والحقيقي.. فما قرأته ماهو إلا شعر اصيل خالي من مشتقات الحداثة الدخيلة على عالمنا الشعري والذي نقرأة عبر تلك السرديات المتقطعة التي تكون للكلمات المتقاطعة اقرب منها للشعر ..
لدي ملاحظة صغيرة جداً وهي لفظ ( عيطموسن..) ومن خلال سياق البيت نجد الشاعر يعمم على جميع خصائص النساء؛ و لكن لعيطموس خصوصية محددة في الشكل ,فهي تعني الفتاة الجميلة والطويلة وقيل أنها اتت من العيط وهو طول العنق . فيجب أن نفرق في مثل هذه المعاني كالفرق بين العطبول والعيطبول, فكل لفظ يعني صفة بعينها. فالأولى تعني معنى سيء يخص الشاب الذي يمارس اللصوق( اجارنا الله واياكم من كل سوء) .

أختيار راائع..