القصيدة الاولى (قاسي القلب)..

[poem=font=",6,,normal,normal" bkcolor="transparent" bkimage="http://www.g111g.com/vb/mwaextraedit2/backgrounds/155.gif" border="ridge,5,sienna" type=2 line=1 align=center use=sp num="0,black""]
توك تجي ياقاسي القلب وينك=الشوق من صدري تعالى وناداك
تعال لو أنك تجيني بهوينك=ميهم مادامك بتاتي واباراك
ليتك ترى وتشوفني بأم عينك=يامطول بهجري ترى القلب وياك
من حين حيني وأنت من حين حينك=تفرض أساليبك ولو تو ماأمداك
وأدري وعندي شي كايد يدينك=لكني اتصدد وأنا اغضها فداك
وأدري برودك بس بيني وبينك=تحمله دام شعوري وقد جاك
ماعادها بيدي ولاهي بيدينك=غن وتغنى وجر موال ليلاك
ياشين صدك بس يازين زينك=ولو كنت قاسي ومااتحمله فرقاك
طغى جمالك بس أطغاه شينك=وش فود زينك كانها قلت احلاك
ياعوين قلبك منك لا ياعوينك=على غرورك كان للبين وداك
لاح النوى ولوحت بالقاع بينك=ومامدته يمناك لمه بيسراك
هذي امانه ولازم أرد دينك=دام الهنا من قسوة القلب خلاك
حكمة زمان وخلها في وذينك=حلق ذهب وخله بهالكون مبداك
الزين ماهو ياحلو مثل زينك=الزين طبع وكان طبعك حلاك
واللي تعب صوته وهو يقول وينك=يعيش دنيا الحب عادي بلياك
عاد انته بكيفك عسى الله يعينك=لاتصد وانت تغضها يعني فداك
انهيتها ولاعاد بيني وبينك=تتقبله ماتقبله جاك ماجاك
شعور شخصن كان قلبه بيدنك=مبسوط لانه عايش بجو فرقاك
[/poem]

ليتك ترى وتشوفني بأم عينك

يامطول بهجري ترى القلب وياك

من حين حيني وأنت من حين حينك

تفرض أساليبك ولو تو ماأمداك

صح لسانك ونبضك

قصيده جزله

وأدري وعندي شي كايد يدينك
كنت اتصدد عنك واغضها فداك



اهلا وسهلا


ناصر أحمدالخريش

تشرفنا فيك وفالك خير مادام حضرة مراقبنا كاسب العزاستقبلك فالك البيرق..

كلمات جزلة وجميلة.وارجو ان تقبل مداخلتي مشكورا

وهو مجرد رأي قابل للخطاء والصواب

حياك الله

يامرحبا وحياك الله ياناصر بين اهلك واخوانك
وصح لسانك واعتلا شانك وبيض الله وجهك
قصيده جزله من شاعر جزل
ومصافحه اولى ستجبرنا على متابعة كل ماتكتبه في هذا الصرح الشامخ

احساس رائع الله يكتبلك السعاده صح لسانك

صح لسسسسسسسسسسسسانك اخووووووي

رووووووووعه والله

جزل ياناصر


صح قلبك وكلك

واهلا بك وبقلمك في غرابيل

ننتظر جديدك من الان

تحيتي لك

ياشين صدك بس يازين زينك
ولو كنت قاسي ومااتحمله فرقاك
,
,
,

الله ,, الله


ناصر احمد ,,,



الف صح لسانك ولاهنت

سجل المتابعه

شعور شخصن كان قلبه بيدنك =

مبسوط لانه عايش بجو فرقاك



شي جميل يكون عند المحب شي من هذا الشعور


قصيده جميله ورائعه
من شاعر رائع صح قلبك يا ناصر

ودام احساسك

عذبة تسمو بحس مرهف ..
سلمت ودمت للعذب المميز شاعرنا ..

صح بدنك أخوي( كاسب العز) شاكر ومقدر مرورك الرائع والجزالة تتمثل في ذوقك تقبل تحياتي,,,

((((((((النوري)))))))
الله يحيك والله يرفع مقدارك والخير بوجهك شاكر لك المرور الرائع,,

أخوي عبدالرحمن الحميدي صح بدنك والله يسعدك
الرائع هو مرورك شاكر ومقدر لك,,

أشغلتهم نظرتي....
صح بدنك والروعة تكتمل في مرورك الرائع ,,,

صح بدنك (ياأبو عبدالرحمن) وتبقى كما أنت جزيلا في تعليقك شاكر لك المرور الرائع وأبشر بالخير الجديد على أعتاب المنتدى دائماااااا..