من زود حب الوضح سريت انا الليل *صور رحلتي
مدخل )
(
)
من زود حب الوضح سريت انا الليل=على اللذي يطوي بعيد المسافات
السلام عليكم ورحمة الله وبركاته
ازيكم ياحلوين
ان شاء الله اموركم تمام وكيفكم مع شباط
الا على طاري شباط سمعت ان الزنجبيل مرتفع سعره هو صدق ولا لا
اليوم سلمكم الله جايب لكم صور من رحلتي الخميس الماضي جهة الشمال انطلاقة من الرياض ثمن مررت بالدوادمي لي هناك شغيل على الطاير ثمن القصيم ثمن شمال القصيم لين وصلت حايل يابعد راسي ياحايل واهلها
ماكان لي نيه في التمشيه لكن يوم جاء يوم الثلاثاء ارسل لي اخوي ابو رامي رساله وحركة المشاعر عندي شوي وفتحت الشهيه للتمشيه البريه
اخوي ابو رامي من شمال عفيف ارسل لي ابيات مشهوره مدري من شاعرها ومصور لي صورة الربيع والابل
الربيع بعيد ومن دونه حتيفه=مايطوله من يبي قرب البلادي
تاصله وضحاً زهت زين السفيفه=بالوصايف وصفها وضحا سنادي
عيبها تبعد وليفا عن وليفه =وتتعب الرعيان في حر وبرادي
وبعد ماوصلتني اتصل بي وقال وينك قلت في الدوام قال خلك في الدوام الارض ربيع ووناسه وانت جالس في المدينه وازعاج السيارات قلت غصب ياذعار ماهو بكيفي ومير شوي وارسل عليه هالابيات واتصل على رفيق الدرب عقاب قلت ماعاد هي بلحية مجلاس نبي لنا تمشيه وابيك تخاويني قال عقاب ابد مرني وانا جاهز وهذه الابيات اللي ارسلتها على اخوي ابو رامي اقول فيها
راكب اللي لامشى كنه قذيفه =من مدافع جيش في وجه الاعادي
جيب لكسز فل ماشين نظيفه= منوة اللي عايفاً لذ الرقادي
من الرياض ومتجه يبى عفيفه =ساعتين ونص له حروة هجادي
نصه اللي تكرم اليمين ضيفه=مسندي لامن بدا في الوقت بادي
ابو رامي محكم الارياء الكليفه=لابدا فالراي عشرات واحادي
خبره بالحال وضروف الوظيفه =عن نحاكم حدني ياذعار حادي
الزمان الشين ضدي سل سيفه= اطرد الاهداف ولا حقق مرادي
واهني من سج في نجد المريفه=مبعدن عن المدن واهل الدوادي
والختام المسك في القيفان اضيفه=والتحايا معطره بورداً وكادي
المهم تحركنا من الرياض يوم الاربعاء بعد الضهر مباشره وكانت انطلاقتنا من الدائري الشمالي قزازة السياره ماهي نظيفه لا تدققون :)
http://up.arab-x.com/Jan10/Cm493097.jpg
ثمن اتجهنا من الرياض الى الدوادمي وهذه بداية النزول من طلعة القديه غرب الرياض
http://up.arab-x.com/Jan10/ePg94284.jpg
وهذه بعد مابدى الخط يستوي لنا
http://up.arab-x.com/Jan10/Qib94284.jpg
السرعه المقطوعه في السفر والحمد لله على السلامه
ترى ماهو تهور لكن من زود شوفي لنجد ودي ابعد عن الرياض وازعاجها
http://up.arab-x.com/Jan10/Ca198010.jpg
ثمن على خط الرياض الطائف السريع ثمن طريق لبخه حويته ثمن الدوادمي ثمن مرينا المزرعه وشيكنا عليها هناك
http://up.arab-x.com/Jan10/t2n94284.jpg
ثمن التقطنا هالصوره من جنب المزرعه وحنا ماشين ع الخط
نبي نمشي قبل الليل :)
http://up.arab-x.com/Jan10/6xO94284.jpg
وهذه لقطه وحنا ماشين
http://up.arab-x.com/Jan10/y6R95643.jpg
ثمن مشينا مع هالطريق الزراعي من الدوادمي جهة القصيم على طريق نفي الرس البدائع ثمن مروراً بعنيزه :)
http://up.arab-x.com/Jan10/wbl94284.jpg
ثمن يوم زان لنا الجو عصير وزانة لنا الارض وحنا على الطريق اللي يودي لعنيزه وحنا نسفط ونجلس نتقهوى عصير
http://up.arab-x.com/Jan10/DiE95643.jpg
وهذه كانت ملحقات القهوه :)
http://up.arab-x.com/Jan10/2Oc95643.jpg
ثمن بعد ماتقهوينا مشينا جهة الشمال مرورا بعنيزه ثمن عيون الجواء ثمن الفويلق والمغرب وحنا في الفويلق شمال القصيم ثمن وقفنا وشبينا النار وجهزنا القهوه والشاي والحليب والعشا
http://up.arab-x.com/Jan10/OSv52318.jpg
وهذا العشاء
http://up.arab-x.com/Jan10/kNh55284.jpg
http://up.arab-x.com/Jan10/ctM55284.jpg
ثمن نمنا والصباح اصبحنا وشبينا النار
http://up.arab-x.com/Jan10/aTz96342.jpg
ثمن سوينا لنا فطور قرص جمري على النااااااااار واذكروا الله :)
http://up.arab-x.com/Jan10/eZr96342.jpg
بعد ماقمرناها في الصاج وضعناها على الجمر عشان تنجض صح
http://up.arab-x.com/Jan10/kE796342.jpg
ثمن هنا عملية عفس القرص بالسمن البري والعسل :)
http://up.arab-x.com/Jan10/zpT96342.jpg
ثمن بعد ماافطرنا لقطت لكم هالصوره لطلوع الشمس
http://up.arab-x.com/Jan10/GtU95643.jpg
ثمن بدينا نجمع عفشنا
http://up.arab-x.com/Jan10/57u96825.jpg
وكان الجو غائم
والتقط لكم هالصوره
http://up.arab-x.com/Jan10/c6196825.jpg
ثمن مشينا شمال غرب الفويلق للابل وكانت الارض زينه وفيها ربيع
http://up.arab-x.com/Jan10/uck96825.jpg
ثمن وصلنا للأبل
ومشينا معها
http://up.arab-x.com/Jan10/O5A97214.jpg
ولا صار عندنا صبر نبي نشرب حليب على طول وهذه صوره للخلفات وهي تعطف على عيالها (والله من واحد ماهو عارف وش معنى هالكلمه )تعطف يعني تدر بالحليب بالعربي يطلع منها حليب اوكيه لااحد يزعجني يقول مااعرف كلامك :)
ماتلقون مثلي اترجم لكم هع
http://up.arab-x.com/Jan10/ODq97214.jpg
وهنا خويي الشقردي يقوم بحلب الناقه
http://up.arab-x.com/Jan10/hdp97214.jpg
وهذه صوره مقربه اثناء الحلب
http://up.arab-x.com/Jan10/Bn597214.jpg
وبعد ماحلبناها طبعا الغضاره كانت صغيره شوي اللي معنا وتسلفنا قارورة مويه :)
http://up.arab-x.com/Jan10/daB97214.jpg
قولوا ماشاء الله :)
خويي يمارس هوايته المفضله ولكن مايقدر يركب الا على السياره مايلحق :)
http://up.arab-x.com/Jan10/MdD03020.jpg
يتبع
رد: من زود حب الوضح سريت انا الليل *صور رحلتي
رد: من زود حب الوضح سريت انا الليل *صور رحلتي
ماشاءالله عليك اخوي صور روعه بس فيه عندي ملاحضه بسيطه ان بعض الصور تكون الكاميرا ترج وكذا تروح جماليه الصوره
والحمدلله على السلامه وانصحك بعدم السرعه وانا اخوك مهما تتطلب الامر الله يستر عليك
تقبل مروري
رد: من زود حب الوضح سريت انا الليل *صور رحلتي
ماشاء الله ياصالح
ماابرك منها ولا رحله
هيضتنا بصور الرببيع والوضح
<< ادقق ادور وسمها ماشفت غير وسم الحكومه على هذي ههههه
http://up.arab-x.com/Jan10/ODq97214.jpg
وافي ياصالح
يعطيك العافيه
رد: من زود حب الوضح سريت انا الليل *صور رحلتي
آلله عليكَ /
تقرير بطلَ وآلله ..
روعهآ مآفيهَ مثلهآ ...
طلعه حلوهَ / وتصوير رايقَ ..
أمتعتنآ معك بقوووووه ~
تسلم يمينكَ / والف شكر ~
"
رد: من زود حب الوضح سريت انا الليل *صور رحلتي
يالبى قلبهن وهـ :ويوي:
ماشاء الله مبسوطات بعد ماشبعن ههههههه
http://up.arab-x.com/Jan10/c6K98010.jpg
ماشاء الله صور رائعه
اما القرص الجمري ماشاء الله يشهي عليكم بالعافيه
الحمد لله على السلامه اخوي
ويعطيك العافيه على الصور الروعه
سؤال
كم مرة قلت ( ثمن ) :موف: ؟؟
رد: من زود حب الوضح سريت انا الليل *صور رحلتي
الحمد لله على السلامة
تبارك الرحمن شكلها كانت رحلة ممتعة جدا
الله يسعدكم
وتسلم الأيادي على الصور الرائعة
بجد أمتعتني بمتصفحك
بحفظ الرحمن
رد: من زود حب الوضح سريت انا الليل *صور رحلتي
ماشاء الله تبارك الله
رحله ممتعه وتصوير رائع
اجواء خيالية
الحمدلله على السلامة
رد: من زود حب الوضح سريت انا الليل *صور رحلتي
اخوي بلا ميعاد
هلابك ونورت متصفحي
وملاحظة محل الاهتمام لكن انا يابعدي اصور بالجوال
والف شكر لك على النصيحه والمرور العطر
لك خالص الود والتقدير
رد: من زود حب الوضح سريت انا الليل *صور رحلتي
بيض الله وجهك ياصالح
مافيه احلى من السجات كل فتره
الف حمدالله على السلامه ورحله ممتعه والله
لاهنت ياغالي
رد: من زود حب الوضح سريت انا الليل *صور رحلتي
رووعة استاذ صالح
يعطيك العافية ع الطلعة اللي تفتح النفس
والحمد لله ع السلامة
والله يعينك ع الرياض وجوها العملي
انا شخصيا رفضت احدى الوظائف والسبب كونها بالرياض
رد: من زود حب الوضح سريت انا الليل *صور رحلتي
http://g5g5.net/upfiles/A5Z32610.jpg
ههههههههههههههههههههه مستر. صالح وش هالخكاريا !!http://g5g5.net/upfiles/C9d32610.png
الحمد لله على ســـلآمتكـ ..
يعطيك العافيه خيووو ’ تسلم ~
,,
,
بااي http://g5g5.net/upfiles/0OY32610.png
رد: من زود حب الوضح سريت انا الليل *صور رحلتي
حول الوظيفه علي خخخخخخخخخخخخخخخ
صالح شباط صراحه طفشني بالبرد وماينفع له الا تشب نار بالبيت
وماعندنا الا دافيه وحده بالبيت والوالد محتكرها عنده
وأنا بصاله طول الليالي سهر بها البرد متى يخلص
ياكثر هرجي خخخخخخخخخخخخخخخخ
نجي لموضوعك
http://up.arab-x.com/Jan10/MdD03020.jpg
ههههه صالح ليه ماصورته وهو راكب الخيل :مزون:
http://up.arab-x.com/Jan10/tyY97572.jpg
يالله يازين فنجان الشاهي مع العشب الاخضر :مزون:
صالح ماشاء الله رحله ممتعه وناجحه مو مثل بعض الناس دئلت
ويعطيك الصحه والعافيه
دمت بخير
رد: من زود حب الوضح سريت انا الليل *صور رحلتي
حرام بالله انك هيضتني يالروقي
انشهد انها تمشيه ترد الروح
لاهنت لاهنت يالذيب
ماشالله تبارك الله
رد: من زود حب الوضح سريت انا الليل *صور رحلتي
تقرير رائع وصور ولا أروع
يعطيك العافية مبدع صالح
*****
