سويتلي فنجان ......................................

سويتلي فنجان يسوي فناجيل يشتح به بعض العرب عن عيالة
كملت له حقة من البن والهيل وثلاث حاجات تخصه كمالة
مشكل لونه مع الصين تشكيل اشقر محمر داخل به شعاله
لياهفهالرجال مع تالي الليل كنة مسويه بقمي في دلاله
اقولها بالصدق ماهو تهاويل واللي يبي ينقدعلي من هباله
سير لهم يامروج القال والقيل سير من الحسرجاليا اقصا السباله
ومن شعر والعرقين روحوامشاميل للضلع حضن ومن نزل في جباله
وفي مرو الحره تحصل رياجيل الحضر واللي سارح مع حلاله
وعود لواد به غروس مضاليل بالماس الاشقر محتمين ظلاله
ظلة يبونة للعذاري مقابيل وتمره يبونه للمسير فواله
وتلقي كلام سعيد قص بتفصيل بالفعل تلقي**** ما يصدق مقاله
تلقي حموله الخيل ذباحة الحيل رجالهم يكفي ضيوفه قباله
قبال احلي من شرب الشهاليل ليا جاء من المنشي حقوق خياله
في وادي مسيول سيل باثرسيل وصافي علي وجه البسطة زلاله
بالله عليكم ريضوا يالمراسيل ودولبن منصور مني رسالة
مدحي لهم عز ومعزه وتفضيل كل بقمي نعطية حقة لحاله
فيصل ملاذ اللي شكا البين والويل يورد حبالة اللي قصار حبالة
ستر البني ان طوحن الهلاهيل ابوه جود منسية في خواله
مذلل خصمة من الشعر تذليل من قابله مره يدور بداله
بنقر الصخر ماهو كلام المواويل من ضيع المكسب يبي راس ماله
ناصيك من قلت عليه المداخيل مطلوب دين وطالع بالكفاله
وجاين عليه من اللي غرابيل الله يعلم ما خفي من حواله
لاموتر عنده ولامن مراحيل وسيارته ولك الكرامه نعاله
واللي حمي ركن الحرممن هل الفيل ماقلتها مزحة ولاهي اختاله
وصلوا علي من فضل الدين تفضيل نبينا اللي خاتم اللرساله
الشاعر (سعيد بن عياد )