-
صدر الايام
[poem=font="simplified arabic,6,darkblue,bold,italic" bkcolor="transparent" bkimage="backgrounds/45.gif" border="groove,4,darkred" type=1 line=0 align=center use=ex num="0,black""]
تكسر المرسى على صدر الايام = واختل ركنه والبقى في مباديه
حمله ثقيل وحظه الزين ما قام = وتقطعت من حر مابه عراويه
من عاش بالحيله توطته الاقدام = ومن عاشر الانذال يغتال صافيه
ومن جاوب المخطي على الظلم ينضام = ومن ما فعل ما حرك الناس طاريه
يشوم من لا يطلب الحق يا شام = عن هرج من هرجه على الشين يدعيه
لو توزن الشيمه مثل وزن الاجسام = ما ينخدع من راس ماله عوانيه
ولو كل ما نخفيه تشرحه الاقلام = ما صاح من سره عن الناس مخفيه
ولو كل هقوه صافحت كف الارقام = ما ينصدم من عاش عمره مشاريه
ولو شحت الدمعه على خد الايتام = ما جاوبت بسكات من غاب غاليه
تبقى المعالم غايبه دون الاحلام = ويبقى الألم في صدر الايام نشكيه
[/poem]
-
رد: صدر الايام
جزل ياعبدالعزيز
صح قلبك وكلك
وسلمت اناملك
تحيتي لك
-
رد: صدر الايام
عبدالعزيز العدواني ,,,
صح لسانك ولاهنت
ومتابع لك دائما
-
رد: صدر الايام
-
رد: صدر الايام
ولو كل ما نخفيـه تشرحـه الاقـلام
ما صاح من سره عن الناس مخفيـه
صح لساانك مدد ياعبدالعزيز
تبقى المعالـم غايبـه دون الاحـلام
ويبقى الألم في صدر الايـام نشكيـه
لاجديد سوى الابداع المعهود
متابعتي وتقديري
-
رد: صدر الايام
شامخة ..بإطار من سمو فكر وجزالة معان ..
عذبة ..اجتاحت الوجدان فتعمقت فيه ..
فكل الشكر شاعرنا على هذا العطاء المميز ..
-
رد: صدر الايام
الشاعر عبدالعزيز
صح قلبك 00 قصيده جميله ورائعه
دمت ودام حرفك 000
ونبضك 00
000
-
رد: صدر الايام
الشاعر عبد العزيز شـكــ وبارك الله فيك ـــرا لك ... لك مني أجمل تحية . على القصيده اللي مافيها كلام عز الله انك شاعر سلمت ودمت