بسم الله الرحمن الرحيم
السلام عليكم ورحمة الله وبركاته
جورج الخواجه
سلطان وسام الهاجري
جرج الخواجه
راكب اللي حسها تسمعه كل صوب
مثل زلزال الرعد بالمزون المظلمه
كنهـــا يوم اسـتدارت وضاقن الدروب
فرخ شاهيـنٍ على الطلع ينهض مقدمه
تلها جورج الخواجه ونطحها الهبوب
واعلـنو بطفا الـسجاير وربط الاحزمه
من سلالة شايب ما جمع غير الذنوب
الديانه عكس الاسلام ماهي مسلمه
ما يعرف يقول هذي شمال وهذي جنوب
الدليله بوصله والحروف مترجمه
واهني اللي على رحلته يلقى ركوب
وان رجع والا ان توفى عسى الله يرحمه
أن نوى في مشرق الارض والا في الغروب
المهم ينفذ اللازم اللي يلزمه
فاقد لي شـيخ قومٍ عزيز ومحسوب
محزم في الضيق ياسعد منهو محزمه
والجـفى من بين الاصحاب عيب من العيوب
والصداقه من بنا بيتها ما يهدمه
والغلا والكره ما تسـكن الا في القلوب
بـس مابه قلب فيه الاثنين مخيمه
اتحمل مزح الاصحاب حقين السلوب
واتخير واكل التمر واطش عجمه
واعرف الكذبه لا جت من فم الكذوب
لا قعد يرفع لسانه ويرخي برطمه
واقفل الجوال عن راعي الغوج الهذوب
وافصل الـتعميم عن بـيجري واعممه
وزلـة الطيب ما تجرح متينين القلوب
عقب اللي زله من صحيبه تزعله
http://i3.glitter-graphics.org/pub/2...jqfsy759tc.gif
