خطوب الزمن

السلام عليكم ورحمة الله وبركاته
اخواني هذه ابيات متواضعه بيني وبين قريبا لي حيث يقول


كثرت خطوب الزمن واحباله التفت *** واستوجع النايم بنومه ولا فاده
والناس ولفت مسامعها ولا ولفت *** اقلوبها ياعسى الله يرحم عباده
شفت الزمن ياولد يفلت ولا يلفت ***بعض البشر زود عمره نقص. مازاد
لا واهني الذي من قبل ماجفت *** عروقه اسلم لربه روح منقاده
ياكثر ماتوعد الدنيا ولا وفت *** والاخره هي وعد ربي وميعاده
******
******
اكثر عقول البشر ضني بها خفت *** تركض ورى حتفها طوع" ومنقاده
احترت في هالزمن وشلون ما عفت *** انفوسنا والدواير مالها عاده
نمضي وتمضي المنايا مالقت ضفت *** ياكم خذت من فتى في يوم ميلاده
كلن على منوته يقبل وهي قفت *** خلت وراها شقي الحال بعناده


ولكم تحياتي

ماجد بصيص


مرحبا بك

ومشاركة روعه

ننتظر منك المزيد

فاهلا وسهلا

يا هلا بك يا ماجد

ومرحبا تراحيب الأمطار

مشاركة جميلة وطيبه وبداية خير لك يالطيب هنا ,.