جســر المحبه

البارحه ياخل بالعين مريت=وعروق قلبي من الحب فاحن
ناديتك بعالي الصووت رديت= جسر المحبه بيننا ماتشاحن
ودعتك الله عن دروب التناهيت=مادامت هموم قلبي تلاحن
اقفيت والعين من عقب قفيت =تنثر دموعن على الخد طاحن
من عقبك الشعر ساسن بلابيت=والورق من عقب فرقاك ناحن
انا اشهداني من عذابك تعنيت=من عقب ماسقت القدم ماستاراحن
طبيت بحر الحب ياليت ثم ليت=ياليتها عن موق عيني تزاحن
اخذني الهاجوس لحظه وسجيت=وحطيتلي فالقلب ودآ يباحن
سطرت لك فالشعر بيتن على بيت=وعطرتها بالمسك عقب استراحن
هذا ولك عهدآ وان ابطيت=اني لاحفظ الحب والحب طاحن

باقي على الحلوه تكه مثل باقي المثل :)

لو بس حصل اهتمام بسيط بالوزن كان تعتبر القصيده هذي من اجمل القصايد


الخطا يمكن انه من الاملاء ويمكن انا ماعندي سالفه :)

بس الاكيد ان قصيدك حلوه جدا :)

صح لسااانك يابن بقيشان

^^^^

انا اتفق مع الآدمي اللي فوق يابن بقيشان

لذلك اسمح لي بنقل القصيده الى قسم ثاني الى ان يتم التعديل فيها والى ان تصرح باسمك لان القسم ذا خاص بالاسماء الصريحه وليست المستعاره

صح لسااانك وبدايه جيده في انتظار جديدك

صح لسانك

واهلا بك في غرابيل

ننتظر جديدك وننتظر الاسم الحقيقي

الله يعطيكم العااافيه ومروركم على القصيده عطاها نؤرقها الخاااص
ابو عبدالرحمن اي اسم حقيقي تقصد يالغالي
تقبلوا تحياتي

الفاضل ابن بقيشان
ابو عبدالرحمن يقصد اسمك الحقيقي اذا اردت ادراج قصائدك بمنتدى الشعر النبطي لابد ان تغير معرفك للاسم الحقيقي واذا لم تكن لديك الرغبه في الافصاح عنه ادرج قصائدك بهذا القسم المخصص للاسماء المستعاره

احترامي

صح الساانك ولا هنت

شـكــ وبارك الله فيك ـــرا لك ... لك مني أجمل تحية .