-
عيون المها
[poem=font="Simplified Arabic,4,white,bold,normal" bkcolor="coral" bkimage="" border="double,9,sienna" type=2 line=0 align=center use=ex num="0,black"]
عيون المها بالسحر يا نجد صوّبن = غريبٍ بدرب الحب تاهن ركايبه
رمته الليالي في بحور من الهوى = ولا صار يدري مدّها من جذايبه
وموجٍ ورى موجٍ بها الموت والبلا= تحطّم حنايا القلب تشعل لهايبه
يدوّر بدربه من يشيله من العنا = ولا حدٍ عطاه البال حتى قرايبه
يقولون وش ودّاك يالطير للمها= مدامك رهيف القلب .. هذي تبايبه
الا يا سبب بلواي والحزن والشقا = علامك تركتِ الجرح وانتي سبايبه
حلالٍ بشرعك طعنة الروح بالظما = وحرامٍ على قلبي يعاتب حبايبه
حرامٍ عليك احرم وفي عطفك الدوا = نزيفي يتزايد كيف تاقف شخايبه
سقى الله زمانٍ راح بالسعد والهنا= فحلو الليالي ساقها مع هبايبه
ولا عاد باقي غير ما سبب العمى = عجاجٍ كتم نفسٍ شكت من مصايبه
إذا ضاق صدري ارفع الطرف للسما = ونادي الهٍ يدري الحال عايبه
اناجيه وادعي يفرح القلب بالمنى = ولو لحظةٍ بالعمر فالشمس غايبه
واذا ما تهيّا لي اوصيّك يالمها = تقولي لهم حطوا بقبري نصايبه
لعلك تذكريني اذا ذعذع الهوى = شمالي بنجدٍ والحيا في سحايبه
وزان الربيع وشفتي القبر بالضحى= فصلّي على روح من الحب ذايبه [/poem]
-
إذا ضاق صدري ارفع الطرف للسما
................... ونادي الهٍ يـدري الحـال عايبـه
اناجيه وادعي يفرح القلب بالمنـى
................... ولو لحظةٍ بالعمر فالشمـس غايبـه
الطــــــــــائر المهاجر
جزلة ومن شاعر الجزلات دوماً ,,
صح قلبك وفكرك المبدع ..
تحياتي لك
-
الا يا سبب بلواي والحزن والشقـا
علامك تركتِ الجرح وانتي سبايبـه
حلالٍ بشرعك طعنة الروح بالظمـا
وحرامٍ على قلبـي يعاتـب حبايبـه
حرامٍ عليك احرم وفي عطفك الدوا
نزيفي يتزايد كيف تاقـف شخايبـه
سقى الله زمانٍ راح بالسعد والهنـا
فحلو الليالي ساقهـا مـع هبايبـه
هلا فيك وحياك شاعر
قصيدة عتاب ولوم وبوح خرجت من قلب محب
صادق العشق والغرام أضنته مرارة الصد والعنا و ألم البعد والفراق
قصيدة جزلة من شاعر قوي الإسلوب عميق المعاني
تسلم شاعرنا وتقبل أطيب و أعذب تحية
-
[align=center]
الله الله
صح لسانك يالعملاق
أنشهد أنك .. كفيت ووفيت
ما كل من قال قال
أشكر لك هالابداع
رائع والله رائع
لك كل الود والاحترام[/align]
-
ماشاء الله
عيني عليك بارده
قصيده من جزل القصيد
جزله من راس جزل
صح الله لسانك
أخوك
بوح القلم
-
[align=center]
صح لسا ا ا ا ا نك يامبدع
الجزل مايجي الا من جزل
بكل معنى رسمت لوحه شعريه را ا ا ا ئعه
وترجمت فيها اللغه الاصيله واثرت المشاعر
واتحفتنا بهذه الفاتنه لك مني جل التحايا..
الوا ا ا ا ا ا ثق،،،،،،،، [/align]
-
صح السانك صح السااانك ,,
جزلة ومن شاعر جزل ,,
ننتظر أن تهدينا جديدك ,,
تحياتي لك ,,
-
الشاعر المبدع / شاعر
ابحرت معك هنا , واستمتعت بهذا الزخم من المشاعر ....
صح السانك وعلا شانك
تقبل اعجابي وتقديري
-
الشاعر الكبير شاعر العثمانيات
كما عوتنا دائماً متميز بعذوبة كلماته
صح اللسانك ولا هنت
تحية لك
-
حلالٍ بشرعك طعنة الروح بالظمـا
................................ وحرامٍ على قلبـي يعاتـب حبايبـه
الله ........ الله عليك يا شاعر العثمانيات ..
قصيدة جزلة .... من شاعر جزل ...
تجذبني دائماً بروعة أبياتك ... وقوة معانيك ...
لا حرمنا الله من جمال حروفك ...
بانتظار جديدك ..
تحياتي
سهم المنايا
-
الا يا سبب بلواي والحزن والشقـا
علامك تركتِ الجرح وانتي سبايبـه
حلالٍ بشرعك طعنة الروح بالظمـا
وحرامٍ على قلبـي يعاتـب حبايبـه
حرامٍ عليك احرم وفي عطفك الدوا
نزيفي يتزايد كيف تاقـف شخايبـه
شاعر العثمانيات
استاذ الشعر لاينتظر من تلامذته الثناء بقدر ما ينتظرون منه المزيد من العطاء
اخجل ان اكتب عن هذه الشامخه لاني مهما كتبت لن اعبر عن مدى اعجابي بها
الف مليون صح قلبك شاعرنا الراااائع