(((((خاف ربك لاتلقيني قفاك)))))

السلام عليكم ورحمة الله وبركاته
طابت أوقاتكم وطاب مسعاكم
إليكم ماترون عله يفي

:

:

[poem=font=",5,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ياعنيد الطبع يسعد لي مساك = صاحبك لاتدخلك فيه الشكوك
وده إنك ماتنشد عن غلاك = الله انه يحفظك لامك وابوك
يكفي انه مامشى الا في رضاك = والنتيجة كل ماتبغاه دوك
شوف عينه لوطلبته قال هاك = والعرب لو ترتجيهم ماعطوك
بخل ماهو بخل لكنه جزاك = مثل ماعاملتني به عاملوك
والله اني ماشكيتلهم جفاك = مير لدوا في عيوني واكفشوك
مالقوا فيها من العالم سواك =و احرجوني قدم ربعي واحرجوك
وانت تدري من كثر حرصي علاك = اتحاشا من مقابلتي لاخوك
هكذا سلم المحبة ياملاك = علموني محتواه وعلموك
اصدقاك العام يبقون اصدقاك = وافقوك الراي والا خالفوك
(إن نأتْ أسماعُهم عن قولِ فاك = مانأوا عن دارِ يقطُنُها ذووك)
(جئتُ فيهِم لائذا يرجو نداك = وهبةً تنبيك عن ظلم الملوك)
السعادة لو تخشخشها وراك = كان يمديهم عليها نازعوك
لاتدور عندهم لقمة عشاك = ياغني النفس حتى وان دعوك
مالك من قدورهم غير الحكاك = رغم كثر قروشهم وسط البنوك
ثروةٍ لو مااغنت الشعر الركاك = من يقول الفقر في مخباه بوك
حظ لامنّه لعب هز الشباك = وحظ لامن لعب شيّلك الشبوك
وانت يالله..في شيلة عصاك = كان ماافحمت الشواعير افحموك
[/poem]
تحاياي

شعاعر يالسبيعي عزالله قصيده تستحق الاشاده سجلني من متابعيك

جزل ياعريمان

لله درك

وصح قلبك وكلك


تحيتي لك

السبيعي

صح لساااااااااانك

وصح ع التوقيع :مزون:

سلام..

(إن نأتْ أسماعُهم عن قولِ فـاك
مانأوا عـن دارِ يقطُنُهـا ذووك)
(جئتُ فيهِم لائـذا يرجـو نـداك
وهبةً تنبيك عـن ظلـم الملـوك)
السعـادة لـو تخشخشهـا وراك
كـان يمديهـم عليهـا نازعـوك



عريمان صح لسانك

واعتلا شانك

قصيده رائعه

ودمج بين الفصحى والعاميه اجمل

تقبل اعجابي

ومروري

يا هلابك والله يا عريمان

وصح إلسانك مدد بلا عدد

وبييض الله وجهك

قصيدة رائعه جدا ,,


دمت بود

نص عذب يموج بجزالة وحكمة
سلمت ودمت أخي للرائع تنثره بمداد التمكن ..

ابيض وجه يالسبيعي


جزل ولاتجيب الا الجزال


ودي وتقديري

طلال معيض
يا الله حيه وما قلته من طيب
ذات طال عمرك

تحاياي

سجللللللللللللللللللللللل ل اعجابى ياعريمان

[poem=font=",5,black,normal,italic" bkcolor="transparent" bkimage="" border="none,4," type=0 line=0 align=center use=ex num="0,black""]
[[ إن نأتْ أسماعُهم عن قولِ فاك = مانأواْ عن دارِ يقطُنُها ذووك ]]
[[ جئتُ فيهِم لائذا يرجو نداك = وهبةً تنبيك عن ظلم الملوك ]]

؛؛؛
؛؛؛

مالك من قدورهم غير الحكاك = رغم كثر قروشهم وسط البنوك

؛؛؛
؛؛؛

حظ لامنَه لعب هز الشباك = وحظ لامن لعب شيَلك الشبوك

؛؛؛

ياسلام ياسلام ياسلام

صــــحَ لســــاااانك وبيَـــــضَ اللـــه وجهــــك على هالمصيــــونه المحبـــــوكة ياعريمان ماشـــااااء اللـــه

وأشهـــــد باللــــه إن روابِعْك صــــادت من الشعر الجزل الجزل !!! ونّسْجِـــك طّرّحْ من الابيات أسْمنْهـــا،،

وأتشرف بأن تُقيَِد تقديري وإحترامي وإعجابي لِطّرْحك الجميل أُستـــاذ عريمــــان ولك جـــــزيل الشكر،،

اخـــوك / زبن العتيــــبي.
[/poem]

والله انـي ماشكيتلهـم جـفـاك
مير لدوا في عيونـي واكفشـوك

صح لسانك ياعريمان صح لسانك صح لسانك وكفى


اخوك

مبــدع
صح لسانك ,,

عالـع ــوافي,,