الله يعين القلب لا صار ملتاع

[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
الله يعين القلب لا صار ملتاع=يشقى ويتعب طول الأيام ويضيع
وأنا على قربك وشوفتك طماع=ضاعت حياتي وأنا أعد الأسابيع
أعدّها واقول تلفيني الساع=وأهدّم مشاريعٍ وأشيّد مشاريع
حفظت حبك داخل القلب ما ضاع=واذكرك دايم في جميع المواضيع
هديتك لاجلي سكاكين وأوجاع=وزّعت جرحك داخل الروح توزيع
قلبي واعرفه لو تبيعين ما باع=أحدٍ يحبك يا غلا الروح ويبيع
مشاعري لأمرك تجي لك وتنصاع=تدلعك بين المخاليق تدليع
لأجلك طرقت الشعر بإتقان وإبداع=والقاف لاجلك يقبل الشور ويطيع
هزّيت أنا من صدّك قلوب وأسماع=وخليت غيري يذرفون المداميع
يرضيك قلبي والأحسايس جيّاع=وأنتي الحياة وكل كلك ينابيع
بعدك ضربت أسداس وأخماس وارباع=وأظهرت علمٍ داخل القلب ما ذيع
أني بدونك تايه الفكر ملتاع=ونذرٍ علي أن طوّل الصدّ لاضيع [/poem]