شاب شعري

[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
يا خفوقي اللي غدا يومه وفـى=أشهد إنك يا خفوقي به غديـت
ردّ روحي وأشعل الجسم بجفـا=ردهـا وبنـار غـدره انكويـت
ودي إنه ردنـي بلطـف وكفـا=قلبي اللي صار له عن ألف بيت
نور حبك يالغضـي والله طفـا=لا تلوم العين لـو مـرة بكيـت
كنت أزيل اللي على دربك هفـا=ما بي اقدامك تعثّـر لا مشيـت
والخفوق اللي علشانـك صفـا=ما هقيت إنك تبيعه مـا هقيـت
كنت أبي زولـك إلا منّـه لفـا=أحضنه في وسط عيني لا بغيت
شمس عمري ودعتنـي بالخفـا=والدغيري محمد أصبح قلب ميت
سامحك ربي على البعـد وعفـا=شاب شعري في غيابك وانطفيت [/poem]