يـــــــــابـــــيـــــــ ــر
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يابير انا " مرخوص " لو شلت حبلي=لو صار " دلوك " ماتحمل مقامي
يابير اثاري وارد " ذود " قبلي=كله " مجاهيم " بلون النعامي
يابير " غشيتن " على ساس وبلي=من " غيمة " ترعد شقاه الغمامي
يابير انا " مدري " واثاريك مبلي =حتى " ولا وضحت لي " بالكلامي
يابير لو " دوحك " صفت وانتحب لي=ماكل " عاشق " ياتفت للحمامي
يابير لو ضلعك " بذيبه " قنب لي=ارسل ثلاث " طلقات " بآخر حزامي
يابير لو انك " سكنت الهدب" لي=(( .......................... ))
يابير ماودي ابد تنتسب لي =لو انك " اقربهم " يلومن عمامي
ويابير " لو بوم " بجالك ندب لي="ماجيت " جالك جعل جالك هدامي
يابير لو " تندار " كلك قصب لي=ماعاد اريح في "ظلالك " عظامي
يابير لو " دلوك " كنه صفق طبلي=مامرها لوني مع " الموت " ضامي
يابير لو شربك " حلال " وجب لي=مابي " حلالك " كل حلالك حرامي
يابير لو " فاسك " ورود تحطب لي=حرام " ماشمه " وتلمس بهامي
ويابير لو " صدرك " فتحته " صطبلي "=اكيد تجمع " خيل " همي كتامي
ويابير لونك " مفرق " حول سبلي=افرق " طريقي " قبل اجيلك شمامي
يابير ون كانك " نويت " تحسب لي=احسب بعد " موتي " ثلاثين عامي
ويابير خذ " دلوك " وانا هات حبلي=عيب على " بيرك " يدنس مقامي [/poem]
سلامتكم ارجو ان تعجبكم هذه القصيده المتواضعه
