سقيان (( صيت ٍ على أذن العرب صار رنان
[poem=font="Simplified Arabic,4,black,normal,normal" bkcolor="white" bkimage="" border="double,4,black" type=1 line=0 align=center use=ex num="0,black"]
يالله عسى بالخير دايم على الدوم = من شاعر ٍ في رسم الألحان فنان
نسل الرجال اللي من عتيبة التوم = صيت ٍ على أذن العرب صار رنان
تارد على الجزلات وبالشعر مكلوم = ماهي غريبة لو علت عند سقيان
رسالتك بالقلب كالسهم ملهوم = جت في ضلوعي وأعطشت كل رويان
صاحبك لو زادت صدايده مذموم = دامه يجافي الطيب بالعون خسران
أونست ما أونست واصبحت مشؤوم = وشفت الهوايل والعباير والأكفان
وقلبي غدا بالحب والشوق مصروم = من واحد بالوصل والقرب منان
وأغص بالعبرة وبالحلق علقوم = لأني بلعته ولا تركته بحسبان
وحالي غدا بالنوم قاضي ومحروم = واسامر النجمات وارد الألحان
ضاقت بي الدنيا وضاقت بي هدوم = واصيح باعلى الصوت والهم بركان
واليا غفت عيني كوابيس و حلوم = تتعب خفوق ٍ بالهواجيس قد شان
ياصاحبي لا يصبح الحال مشروم = هز الغضي واسمع صدى كل الأركان
اما عسى من هزتك صار مهدوم = وتصير له ماضي بعد كان ماكان
ولا عسى يلفي على دارك يحوم = يبغى المطر منك وهو حيل عطشان
ولا صرت ياسقيان بالحيل مهموم = آمر على ماتشتهي دون طلبان
لك منزله بالقدر وبالروح محشوم = والعذر لو يحصل من الشعر نقصان[/poem]
والعذر منك اخوي سقيان اذا حصل قصور
ترى جت مستعجله وبدون مراجعه مع اني مشغول هاليومين والله بس قلت لازم على الأقل ألبي النداء من انسان غالي
