مابقى في خاطري طــــــلال معيض

[poem=font=",6,darkblue,normal,normal" bkcolor="transparent" bkimage="" border="none,4," type=3 line=1 align=center use=ex num="0,black""]
مابقى في خاطري كود شعر(ن)مايهاب=ولابقى في هالعمر غير ساعات تدور
يالله اني كل ماخطيت اعود للصواب=القدر مكتوب والذنب يالله مغفور
وش يفيد العبد لاقبل على يوم الحساب=مايفيده لامشى في تكبر اوغرور
انطعنت بوقت(ن)كل اكثره هم وعذاب=كل ماقلت اقبلت تنقلب ضدي دبور
والمصيبه توني في بدايات الشباب=مانثنيت لظيم والله وانا كلي صبور
ماعلى دنيا نعبرها مشاريه وعتاب=الحظيظ اللي خذا خيرها قبل العبور
دنية(ن)منهو طردها مثل طرد السراب=ان جنى يجني تعب وان كسب ضيقة صدور
لو ابونا ىدم تعوذ من ابليس الخراب=يمكن انا بجنة كلها ضحك وسرور
لاكن آدم طاوعه بعد ماغواه استجاب=قد عصى عن مانهي لم يكن آدم شكور
اهبطوا فيها جميعا الى الله المآب=خيركم من اتبعني الى يوم النشور
يالله الخيره ويالله نطلب الثواب=نعترف بذنوبنا قد حصل منا قصور
عايشين بدنية(ن)كل مافيها ذهاب=نحسب ان الخلد فيها وهي فينا تدور
عايشين وكننا بغابةن فيها الذياب=القوي فيها يثور والضعيف مايثور
اصغر اهموم الغني كل مالذا وطاب=واكبر اهموم الفقير ان صحى يلقى فطور
[/poem]

صح لساانك ياجزل لين ترضى

تقبل مروري وكل التقدير يالذيب

جزل ياطلال


لله درك

وصح قلبك وكلك


تحيتي لك

اقتباس:

---

عايشيـن بدنية(ن)كـل مافيهـا ذهــاب
نحسب ان الخلد فيهـا وهـي فينـا تـدور
عايشيـن وكننـا بغابـةن فيهـا الذيـاب
القـوي فيهـا يثـور والضعيـف مايثـور
اصغر اهموم الغنـي كـل مالـذا وطـاب
واكبر اهموم الفقير ان صحى يلقى فطـور

---

العزيز : طلال بن معيض
صدقتَ شعراً وتمكنت لفظًا
وجمعت لنا درَّة ثمينة

كل الشكر لكريم شخصك على هكذا حضور

ودمت بالود والخير

أخوك : السُّلمي

صدقت والله في هذه الرائعه

والفقير كل همه يصحا يلاقي فطور الله الله


يا سلا م عليك وكفو يا إبن معيض وبيض الله وجهك وصح إلسانك

دمت بود ,.

ابيض وجه ياطلال

صح قلبك وكلك يالجزل

نتابعك بشغف

محمد الروقي اشادة وسام اعلقه على كل قصيدة اكتبها ولك مني اجزل التحايا

ابو عبدالرحمن منكم نستمد الابداع ولي الفخر بان تعلق على قصبدتي ولك من كل قلبي الامتنان والتقدير

السلمي كلامك الرائع يدفعني لكتابة الافضل ولك مني كل الشكر

بندر النايف ان كان هناك رائع انت الاروع وبارك الله فيك وتقبل شكري لك

صالح الروقي شكرا الف على اطرائك واشادتك وهذا من طيب اصلك يالروقي ولي اكبر الفخر لاشادتك تقبل تحياتي

[align=right]طلال


صح قلبك وكلك يا الغالي

ح ــضور مميز

ننتظر تواصل الابداع هنا


تحيه ع ـــــطره[/align]

محمد الدغيري شكرا على مرورك وانت دائما رائع