بسم الله الرحمن الرحيم "
السلام عليكم ورحمه الله وبركاته ،،،يازعماء التاريخ "
من جديدي ،،، اتمنى أن ترقى الى ذائقتكم ،،،لكم القصيده "
ياهـم صـدري علامـك ليـه تشقيـنـي
وش عاد تبغى بحالـي عقـب سميتـه
لـك مــدهٍ وانــت ياهـمـي مخاويـنـي
ولافـيـه جــرحٍ بـصـدري ماتبنـيـتـه
وقتي غدربي وحظي خالـف سنينـي
مـوال حزنـي علـى الأطـلال غنيتـه
ياضيقـة الصـدر مابـه مـن يواسينـي
يـاكـود رجــمٍ لـيـا ضـاقــت تعلـيـتـه
وأبيات شعـرٍ علـى الحـروه تنادينـي
لاصغـت موالهـا والـصـوت جريـتـه
والهاجس اللي على الذكرى يسريني
مـامـل مـنـي وأنـــا يـانــاس ملـيـتـه
دنـيـا رديــه عـلـى الغالـيـن تبكيـنـي
يـاكـم فقـيـدٍ عـلـيـه الـثــوب شقـيـتـه
همـي مـن أحزانهـا يانـاس طاوينـي
والجـرح ينـزف ودمـع العيـن هليتـه
يـاالله وأنـا طالبـك باالعسـر واللينـي
ياسامـع ادعـاي يـاربـي ومااخفيـتـه
لاحـان وقـت القـدر يـارب تحميـنـي
واللتفـت السـاق عــز الـمـال خليـتـه
وأنهلت ادموع ربعي والعـزاء فينـي
والمقـبـره ضايـقـه والقـبـر واريـتــه
وأقفـوا وخلـوا ظـلام القبـر يحويـنـي
وأخرهـم اللـي علـى قبـري تناهيـتـه
فـي ظلمـه القبـر مابـه مــن يسليـنـي
ياكـود ماصـار فـي الدنـيـا وسويـتـه
يـاالله عسـى كتابـي إليامـت بيميـنـي
يامـنـزل الغـيـث يامـسـقـي نوابـيـتـه
