جيت احبّـك مثـل ماكانـوا لعيـال
يعشقـون اللـي يعشقـون البنـات
،،
جيت بأرمي بالشعـور اللـي يقـال
صارت البنـدق ذخيرتهـا سكـات!
،،
صرت أشوف الليل من قبل الزوال!
والنّجـوم بلمـح عينـي مرقبـات!
،،
قلت بحكي لك علـى أيّ احتمـال
المهـم إنّـي أجـيـد المـفـردات
،،
وخفت لا يقدح عليّ زنـد السـؤال
والإجابـة ليـف وضلوعـي فتـات
،،
ليه تعشقنـي وانـا بنـت الرجـال؟
أنت منهو؟! ؛ أنت ماعندك خـوات؟
،،
افتراضـي دار فـي راسـي وجـال
صرت خطوة ليل ويدينـه حصـات!
،،
اتعثّـر بــه ولا مـنّـه مـجـال
من حدر ؛ من فوق ؛ من كل الجهات
،،
قُبـح خوفـي ؛ ومتلائـك بالجمـال
صرت منهم حي في حضن الممـات
،،
أه منّـه وأه مـنّـك يــا " دلال "
ودّي أحكي بـسّ خانتنـي الشفـات
،،
طال حزني والحزن وأن طـال طـال
مايحسسـنـا بقيـمـة هالحـيـات
،،
يا تعاسـة توجـع لبعـض العيـال
لاعشـق بنـتٍ تبالدلـه السـكـات
