نزف الدموع وزفرة الضيقة

[poem=font=",6,black,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""] مابـين نزف الدمـــــوع وزفرة الضيقة=البـــــــارحة والله ان مــــاني على خــبري
الصبر طوَل وطول الصبر ماطيـــــقه=واليــــــــو� � لا والله الَا قـــاضيٍ(ن) صـــــبري
آخذ مع الخرج تغريبـــــه وتشريـــــقه=مكسور وانشد مع اهل الخرج عن جبري
جبري على يد من قلبي وتشويقــــــه=يسوقـــــــ� �ـني له.. وانا المتـــــــولع المبري
متى ربيــــــع اللقا تنبت زماليقــــــــه=واقطف زهرهـــــا قبل لا يضمني قــــــبري
وجدي على الجو وآخذ فيــــه تحليقه=أكفخ ليا شفـــــت حزني زاد عـــن شَبري
جداي.. نزف الدموع وزفرة الضيقة=يالله عليــــــــــك الفرج ماني على خــــبري [/poem]



للشاعر / بندر بن حامد البقمي
(نوماس الرحماني)

صح لسانك


هطول رائع اخضرت منه رياضناالقفره

وسدلت به الغدران يسعدني ان اكون
اول من وضع بصمته على هذ النص

الفاخر من نوعه

تحياتي لك ولشعرك ايها العذب

هلابك أخوي ومرحبا

وصح إلسان الشاعر بندر

هل أنت الشاعر بندر ؟؟

صح لسااانك ولساان الشاعر بندر

ياليت توضح يااسير اذا كنت انت بندر او لا حتى نعرف مكان القصيده بالضبط لو ماكنت شاعرها بتنقل لاختيارات الاعضاء انا بتركها حتى اشوف ردك

تقبل تحياتي

أهلاً بمروركم جميعاً

ويسعدني التواجد بينكم


وبالنسبة للقصيدة كما هو موضح في أخر القصيدة

فهي للشاعر بندر بن حامد البقمي( أبن عمي )

وبإمكانكم نقلها للقسم الأنسب

تقديري ،، ،،

صح لسانك ولسانه

وشاعر يستحق المتابعة فعلا


تحيتي لك