حب عذري

السلام عليكم ورحمة الله وبركاته,,,
للتواصل مع قلوبكم الطاهره






[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
روحي طواها الهم لو منت تـدري=ليتك تجي وتشوف وش صار فيَّه
هموم كل الكون في وسط صـدري=صبري نفذ والنفس ضاقت عليَّـه
تركتني واسرفت في طول هجـري=تركتنـي وجـروح قلبـي نديَّـه
الوقت يسرقنـا ولا عـاد بـدري=تدفن مشاعرنا وهـي بعـد حيَّـه
أيام تجمعنا علـى حـب عـذري=واشواقنا زادت على حسـن نيَّـه
حفظت قدرك وأنت ضيعت قـدري=قلبك طـواه البعـد وازداد غيَّـه
ضيعت أحلا أيام وسنيـن عمـري=في حبك الزايف وصرت الضحيَّـه
أحلام نقضيها مع الوقـت هـدري=مـا عـاد باقـي للأمانـي بقيَّـه
أوقدت بضلوعي من الشوق جمري=ولا هقيـت بيـوم نفسـك رديَّـه
وثقت بك يا حيف وشلون مـدري=وسلمت لك روحي بنفسٍ رضيَّـه
المشكله لا صار منك انت غـدري=أسيـةٍ يـا كبرهـا مـن أسيَّـه
دام الغدر طبعك أبي حـل جـذري=أرحل عساها روحـةٍ دون جيَّـه
وانا على اللي فات وكلَّت أمـري=الله حسيبـك بـس رب البـريَّـه[/poem]



أخوكم / عبد الرحمن الشهري