التعزير

السلام عليكم ورحمة الله وبركاته
كل عام وأنتم بخير
جديدي لكم يا غرابيل


[poem=font="simplified arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
على الله عاد يا حظـي قليـل بحَقّـك التعبيـر=على الله عادني مقبل وحظـي معّلـن إدبـاره
على الله دام تمشي بي حَسَبّ عكس اتّجاه السير=حشى كنـه معادينـي مشيّـن فينـي أقـداره
طموحي فوق بالقمة وحظـي مرتمـي بالبيـر=واذا مني رقيت الصعب عوّدّ عكـس تيـاره
اشوف الحظ قاعد لي مّحَجّـر قمـة التحجيـر=وانا صابر على جاير قسـاه وعلّقـم امـراره
ضميري لا تأنبني عسى فرقـا الأمانـي خيـر=عساهـا تالـي اذنوبـي ولـلـزلات كـفـاره
على الله يآخر آمالي عسى ما خانـك التدبيـر=عساها فاتحه للخيـر عقـب البخـت واوزاره
زمان الواسطة والغش والرشوة ودهن السيـر=ما دام ابليس طبّل بالطبـول وشـال مزمـاره
زمانٍ حام فيه البوم كنـه مـن حَـرّار الطيـر=ومنهم يعشقون البوم صـارو اليـوم صقّـاره
زمانٍ صار راعي المسك يدّعونه بنافـخ كيـر=ترى من يجهل المعنى يـدَّل القصـد بيّشـاره
وانا رَجلٍ فطن كل المعانـي واحسـن التقديـر=وفي كل المواقف عـرف كـل ٍويـش مقـداره
أعيش بعالم ضايـع يحـبّ الهـرج والتغريـر=وانا ماني من اللـي ضيـع الغاويـن بفّكـاره
شجاع وما يهاب الموت مؤمن يرفض التقصير=وموت كليب ما يدري سببهـا رمـاح غـداره
إذا منه عـدى فـارس بخيلـه للمنايـا مغيـر=يفوز بمعركـه تـاره ويخسـر معركـه تـاره
شجاع وحكمته وقت اللزوم اللي يصير يصير=وإذا منَّه دعـا للنـاس داعـي شنّهـا غـاره
كريمٍ شح فـي نفسـه ومالـه يوْهّبـه للغيـر=يجوع وترزم ضلوعه ويعّطـي لقّمتـه جـاره
اذا منه عطى يعطي وفوق الحمل حمـل بعيـر=ولا يـدري سنيـن العـمـر والأيــام دوّاره
طموحه فوق ما همه حسـودٍ يقّصـد التخديـر=وعزّمه لو حداه الوقت ما قلَّـلّ مـن اصـراره
يقولو لي معاديني تغانـم مالفطيـر وطيـر=وانا ملّيت من هـذا الكـلام وسالـف أخبـاره
وانا تشهدلي جبال السراة الشمّ لا خرخيـر=ونجد الخير يشهد لي جبـل خـزّازّ واحجـاره
بأني نلّت في دربي وسـام الشكـر والتقديـر=ورثتّ أبوي واجـدادي سمـو المجـد وآثـاره
وانا اللي لابتي لابه ترد الظلـم وقـت الضيـر=اذا كـل تعـزوى بيـن ربعـه ربعـي نمـاره
رجال تعزهم وايـل وحـرب تعزهم ومطيـر=رجـالٍ لنَّتخـى فيهـم ذليـلٍ لبـو انـصـاره
رجال الحجر من ينصى حماهـم امَّنـوه بخيـر=ومن حاول يعاديهم حليله م... طّـول اسفـاره
زماني حدّنـي وقتـه وعاندنـي عنـاد الزيـر=ترك همام والحانـه وكاسـه و ابتـدى ثـاره
حكاية عشتها في حلم ما حصلّت لـه تفسيـر=اراجع سالف الماضـي وهـمٍ عجّ بغبـاره
على الله يازمن وثّق حبالـك واحكـم التعزيـر=تـرى صـدام بشموخـه وصبـره ذلّ كفـاره[/poem]
.
.
.
وسلامة الجميع