عامين مدري وش وراها من ايام

عامين مدري وش وراها من ايام .........دنياي شحت والسبايب عديمة
والحظ طايح دايم (ن) ما بعد قام..........والهم ساكن فالظماير مقيمه
والشعر جف وجفت اوراق واقلام..........واستبدله همن عروقه عظيمه
احاول اسلى وين مارحت قدام..........وادور الامان واخيل لاديمه
واستمطر الرحمن مبداي الاسلام..........عله يروف وتنجلي بي ظليمه
لان الرجى في واحد(ن)ما بعد نام..........المعطي اللي ماقصرمن نعيمه
يافريج انادايم على الطيب عزام...........ولانى من اللي تنقصربه عزيمه
اورد عليها ورد ظامي و هيام..........ولها مقامن في طباعي وقيمه
لاجيت ما بين الرجاجيل و حشام..........تلقى وقار(ن)في نفوس(ن)سليمه
لا شك هاذي هي الاقدار وا قسام.........والعبد مهماصار يرضى القسيمه
تخلفبك الدنيا على يمت الشام...........وتشوف فيها عايقاته وضيمه
تعال شاهدني مسلسل على افلام..........واختار منها قصت(ن) مستديمه
رغم الذي قد صارماني بصوام.............لان الصبرسلوى النفوس السقيمه
عندي امل ابقى على طول الاعوام.........انسان شامخ مارضى بالهزيمه