عرض للطباعة
السلام عليكم ورحمه الله وبركاته
كيفكم واخباركم عساكم بخير
اخواني اخواتي انا الحين خاطب بنت خالي وخالي رجل شرير
يعني محقر اهله بشي لا يوصف
وابي املك على البنت بالايام الجايه
اهلي يقولو لا تستعجل ممكن ابوها ياخد فلوس المهر ويملك لولده
وانا محتار بين ااخر الملكه الين ما يملك لولده بحيث البنت ما تنظلم
او اتوكل على الله واملك؟
هلا بك والف الف الف مليار مبروك مقدماً أخي الكريم
وحياك الله ..
بأقول لك كلمتين وخذها في رأسك ,,.
أنت دافع المهر دافعه بدون ما تفكر إنه بيرجعلك أو تستثمره في زوجتك
والمهر يطلبه أبو البنت سواء أكله أو أعطاها منه هو حر وأنت مالك شغل مره مره ..
==
توكل الله علي الله إذا أنت تحب البنت وتملك عليها وضبط زواجك
وإن شاء الله ما تجيك الا بعبايتها ما عليك أهم شي هي موجودة وتحبك وتحبك
تغني عن كل أموال الدنيا ,,,.
~
ولد الخطوط
توكل ع الله و سو الملكه
و بعدين انت ما عليك من المهر انت تبي البنت
و اهم احرار هم و يا بنتهم بعد ما تملك و تعطيهم
المهر إذا بيعطوه بنتهم او بيآخذه ابوها و بيملك لأخوها
و لا يسوو الي يبون
/
الف مبروك مقدمً و الله يوفقك لما فيه الخير
~
[align=center]
ألف مبروك مقدماً لك .. ولأخوها
الله يوفقكم ويجمع بينكم على خير ..
وش له العجله , أنتظر لين يملك أخوها ,
وخلها تفرح فيه , >> حج وقضيان حاجه
منها تفرح بأخوها ومناك تستلم مهرها على طول كامل
والرأي الأول والأخير لك ..
[/align]
توكل على الله وملك وعسا الله يوفقك يالغالي
ويفضل انك تتصل على خطيبتك وتشاورها بالامر ذا يمكن هي عندها رأي ثاني بحكم انها تعلم مايدور في بيتهم ومن حقها انك تأخذ رأيها لان بعض اولياء الامور للاسف يستغل مهر بناته لي اغراضه الشخصيه سواء من تسديد دين او كما تقول انت بزواج احد ابنائه او شراء سياره او ..الخ
وهذا شيء اقسم بالله من يقوم بفعله انه عديم الرجوله خاصه اذا كان هالشيء بعدم رضاء بناته
ألف مبروك مقدما والله يوفقك أخوي
وأنا من رأي تملك عليها بعد مايملك أخوها عشان البنت تأخذ لو شوي من المهر
وعندي فكره اذا ممكن تسويها تملك هالحين عليها وتعطيهم نص المهر وبعد مايملك أخوها
تعطيها الباقي وترى الموضوع على حسب أبوها وأخوها اذا بياخذون المهر منها لانهم محتاجين
ويرجعونه لها ملك عليها هالحين وأعطيهم المهر وبكيفهم بس انت تقول أبوها شرير
والله يوفقك ومنك المال ومنها العيال
الصبر نعمه وانا اختك
أولا ألف مبرووك ياخوي مقدماً
والله يسر أمرك ويوفقك والمسلمين
،،،،،
لاحظت شي الشبااب كلهم يقولون املك والبنات يقولون اصبر ^_^
سبحان الله طريقة التفكير تختلف << جايبه جديد
وانا مع البنات اقول اصبر عشان تستفيد من مهرها لان حتى لو مثل ماقال واحد من الاخوان ماتدخل عليك الا بعباتها هي ماراح ترضاها لنفسها الرجال دافع لها مهر وهي داخله عليه كذا
الا في حالة انه ماخذ المهر ماخذه ( وانت اخبر بالوضع ) هنا بقولك املك وبين لها انك متفهّم الوضع بس من غير ماتجرحها او تحرجها عشان هي ترتاح
واذا فيه امكانيه تسالها متى تبي الملكه يكون افضل
ولا تنسى الاستخارة والدعاء
الله يسمّح امرك والمسلمين
تحيتيـ
الله يعطيكم العافيه اخواني واخواتي
بس فيه نقطه البنت ما تدري انه ابوها يبي المهر لاخوها
الام تلمح بالشي ذا
وانا ما فكرت اني باخره الين يملك اخوها الا لاني ابي البنت
تتمتع بمهرها والله يبارك بحياتكم
وانتم الحين حزب يقولي توكل على الله وملك وحزب يقول لا تملك والله حيرتوني
[align=center]أخي: ولد الخطوط
السلام عليكم ورحمة الله وبركاته
اعقلها وتوكل على الله..
قال تعالى: {وَمَنْ يَتَوَكَّلْ عَلَى اللَّهِ فَهُوَ حَسْبُهُ}، فللتوكل ثمرات ، ومنها تيسير الأمور ، وتسهيل الصعب . فالعسير يغدو يسيراً بالتوكُّل .
قال العلماء : ولو توكَّل العبد على الله حق توكُّله في إزالة جبله من مكانه ، وكان مأموراً – شرعاً – بإزالته لأزاله..
فمهما تكن الظروف ومهما تكن الأمور معقدة برأيك يجب عليك إتمام الزواج فوالدها هو والدها ولن تتغير طباعه لا بزواج ابنه أو ابنته إلا بإرادة الله فما بين غمضة عين وانتباهتها يغير الله من حال إلى حال..
وأنت تريد أن تتم نصف الدين وتعف نفسك و سبحان الله في هذا الشيء سترى أن الأمور ستكون سهلة بإذن الله..
فعليك باتخاذ القرار السليم والاستعانة بالله في كافة أمورك..
.. تحية عطرة ..[/align]
السلام عليكم
أذا انك ناوي
قول بسم الله
الفلوس تروح وتجي و اهم شي البنت
والله يا اخواني انا اتمنى اليوم قبل بكره
بس ما ابي احس اني ظلمت البنت
وانا ادري انه حيصير شي بفلوسها
والبنت تتمنى اني اجي اخدها من اهلها اليوم
قبل بكره شكلي المشكله الى الان كلامكم
ما يشجع ناس تقول توكل وناس تقول الصبر زين
8
8
8
سوي قرعة !!
ياخوي وش تبغانا نسوي لكـ ؟؟
كل واحد حط رايه حسب مايشوف وانت طالب الفزعة إذن لازم تختار مابين الاراء ..
عموما انا اقول كلام المنطق والعقل مو حكاية اولاد وبنات !!
اذا انت عارف انه مهرها ماراح تاخذه وشهو له تدفعه ؟؟ يعني بالعقل !!
بعض الشباب اللي يقولون توكل على الله وملّكـ .. ليه تبونه يملكـ عليها وهو عارف انه ماراح تجهز نفسها وتتهنى مثل خلق الله وتاخذ حقها وصـــــــــــــداقها اللي أمر فيه الدين والرسول ..
لهالدرجة تحبون ترخصون البنات يعني ولا تبون كل شيء على كيفكم ؟؟
احنا ماقلنا لا تمّلكـ عليها ولا علّقها .. انما قلنا أخر الموضوع شوي حتى لا تقع في باب الظلــــــــــم والأدهى والأمر انكـ عارف انها راح تنظلم وماراح تاخذ حقها وفوق كذا تشاور ..
صدقني ماراح تسامحكـ بلحظة لو ابوها اخذ مهرها وانت كنت عارف انه راح يصير هالشيء ومن جد حرام عليكـ ..
تشكرات ,,
,
8
8
8
لاتنافخين على الرجال
________________________
أذا تبي البنت طقها بالملكه ..بعدين هي وش الضلم اللي بيقع عليها منك وش ذنبك أذا أبوها أخذ فلوسها!!؟؟
هي تدري أنك عارف الوضع ودام أنها تتمنى أنك تتزوجها اليوم قبل بكره زي ماتقول تزوجها والرزق عند الله
اقتباس:
المشاركة الأصلية كتبت بواسطة رحيل العمر
صـــــــــــــــح عليــك
عز الله كلامن يحط على الجرح ويبرى ..
رحيل .. قد اشتغلتي إستشارية إسرية ..؟؟؟>>>> تنفعين بصراحه
اقتنعت من هرجك ..