:: جبال الجنـــــــــــــــوب ::

[poem=font=",6,,bold,normal" bkcolor="transparent" bkimage="" border="none,4," type=2 line=0 align=center use=sp num="0,black""]
تدور الكواكب فالفلك والزمن خداع=وكلٍ خذا من طول وقته كذا عبره
زمان العجايب والمصايب يجيب صداع=وزمان الهوايل ما سلم حي ما ضره
تمر السنين ومكرها بين ولكاع=واحد تزعله مره واحد تبسطه مره
وانا لي ثمان ليال مما حصل ملتاع=كثير العلوم تولع الجمر وتكره
فلا ودي الأقراب تلحقني الأرياع=ولاودي شماميت القفا تفقد الجره
يابو زيد وش باقي بها الوقت من الأطماع=سوى خوةٍ يسعد بها القلب وتسره
فلا يا عضيدي يا حزامي طويل الباع=ترى الرابح الي يكتم السر في صدره
وترى الهرج لو يكثر علينا غدينا قطاع=تبي تطفي الحره وهي تالع الحره
وانا اقول ما للعلم داعي بساع وساع=ولا لرجل يا خذ خطا القوم ويفره
لو نفكر بما قد جرى بان حق وضاع=وجدت مواضيعٍ صعيبات بالمره
فلا لي ولا لك غير امرٍ وشور يطاع=ولا يذخر الرجال ما تخزن الصره
هذا حالنا لا تشتحن من بعض لوضاع=لو ان الحقيقه بينه ما لنا فره
جبال الجنوب رفاع .. وهضاب نجد رفاع=ولاهي سوا ..من طاول الوقت ما غره
احب الطريق المعتلي واعشق المطلاع=واحب الونس والكلمه الغاويه مره
واحب ابن عمي طال عمره ومده صاع=واوفي مطاليبه واجمله وابره
وحب الجمايل ماخذٍ له ثلاث ارباع=لو ان الحلال يروح ما اهم ما اخسره
واحب الزمان المنصرم ليت له مرجاع=زمان الاخو لاخوه يفداه بالقره
زمان الرجال كرام الأنفس كرام طباع=زمانٍ مضا لله عن وقتنا دره
من الوقت هذا لا انت شاري ولا بياع=ما احد مستفيد منه لو طاوله عمره
فإذا كان ما للرجل صطوه وذكر يشاع=عسانا نهايل طين قبره على قبره
[/poem]

عبدالله المهداني ,,,

صح لسانك ولاهنت

وابشرك ان الخير باقي باذن الله والنظره التفاؤليه اقرب لنا من غيرها

صح إلسانك ياعبدالله


وهلا بك والله

وقصيدة طيبه وجميلة وتحكي واقع مرير ,

شكرا لك ودمت بود

صح لسااااانك لين ترضى

مروري وكل التقدير وسجل اعجابي ياجزل

اقتباس:

---

المشاركة الأصلية كتبت بواسطة محمد بن ضاوي

عبدالله المهداني ,,,

صح لسانك ولاهنت

وابشرك ان الخير باقي باذن الله والنظره التفاؤليه اقرب لنا من غيرها

---

صح بدنك يا محمد


وهذا عين العقل


مودتي

أخوي ابو سعود

صح لسانك

وبيض الله وجهك

حضور رايع

تقبل احترامي

عبدالله



سلم قلبك وبنانك



دم بخير ...[/center]

اقتباس:

---

المشاركة الأصلية كتبت بواسطة بندر النايف

صح إلسانك ياعبدالله


وهلا بك والله

وقصيدة طيبه وجميلة وتحكي واقع مرير ,

شكرا لك ودمت بود

---

صح بدنك يا بندر


ومرورك اسعدني


مودتي

جزل

صح قلبك وكلك

وسلمت اناملك

تحيتي لك

[align=right]ع ــبدالله


صح قلبك وكلك

ح ــضورك مميز

ننتظر تواصل ابداعك


تحيه ع ـــطره[/align]