الى كل من يحب الخير لمجتمعه يدخل ~ ’’’

بسم الله الرحمن الرحيم ~

اخواني وخواتي اعضاء منتدى غرابيل الغالي

احييكم من اعماق قلبي وابارك لكم بعودة المنتدى ..

فسلام الله عليكم ورحمته وبركاته

كنت ابحث في احدى المنتديات ووجدت هذا الموضوع واعجبني واحببت ان انقله لكم ..


يقول كاتب الموضوع :


" في البداية هذا الموضوع بطرح فيه قضية
واقتراح .. وابغى الكل يطرح وجه نظرة ويشاركنا النقاش ..


انا لي صديق لي عزيز تزوج قبل فترة من عائلة طيبة

لكن ربي ماوفقه بحياته وطلقها
بعد فترة جاء عندي وقال تعرف بنات انا ابغى اتزوج قلت مدام انك مطلق فيه وحدة من جماعتنا مطلقة وعمرها صغير نفس حالتك ماربي وفقها مع ان عاشت مع زوجها قرابة الشهر بس ماصار نصيب وش رايك ادلك عليهم
تدرون وش رد قال ماابغى بنت مطلقة !!

قلت ليش : اذا انت مطلق وهي مطلقة الكل بيرضى بالثاني

قال انا ابغى بنت ماتزوجت

طبعا عجزت اقنع فيه ورضاء الناس غاية لاتدرك
بعدها بفترة تزوج بنت والحمدلله مشت امورة



اللي حبيت اوضحة ليش الشاب اذا كان مطلق مستحيل ياخذ بنت مطلقة الا ماندر
والبنت المطلقة مكتوب عليها انها تاخذ واحد متزوج تكون زوجة ثانية او مطلق ومعه عيال

وش ذنب البنت اللي تكون مطلقة ؟
والشباب مايفكرون في البنات المطلقات هم ضحية احيانا ؟
يعني انت ترضى تتطلق بنات الناس وماترضى تاخذ مطلقة ؟ وترضى لاختك المطلقة تاخذ واحد متزوج ولا ابو عيال ؟

ليش هذي النظرية والعادات الموجودة عندنا؟

صدقوني كثير البنات اللي جالسين بالبيوت واعمارهم فوق 25 و30 ماتزوجو !!

واحيانا تكون العادات والتقاليد هي السبب؟



صدقوني انا ودي ان كل شباب وفتيات في الممكله يتزوجون
وتقل نسبة العنوسة عندنا وتقل نسبة الطلاق



اكيد كل شاب يحلم بالزواج ويكون اسرة ويرزق بعيال
مثله مثل البنت
لكن احيانا يحتاج لمساعدة
او عادات اهله تمنعه
مثل مالك الا بنت عمك
وهو مايبغى وصعبة يخوض تجربة وهو مجبور عليها





اصلح الله لنا واياكم الحال


وصلى الله وسلم على نبينا محمد "

بسم الله الرحمن الرحيم .

السلام عليكم ورحمة الله وبركاته .

موضوع رائع ربي يبارك فيك ويسعد ياااارب

الموضوع يتكلم على الطلاق .........الطلاق يفكك الاسره ومنهم الضحيه الاطفال والله يرحمون يتشتتون

اما النفسيه راح تكون محطمه لدى المرأة...اما الرجل وربي ولا شي عادي الوضع عنده طبعا مو كلهم

.

في وجهة نظري بأن المطلقه انسانه مثلي مثلها ..موذبنبها تطلقت..القدر كتب لها

لا.ليش لها ذنب هي وش سويت صار لها كذا ...ومالها اي قدره على تغير القدرالحمدلله على كل حال


يعني انت ترضى تتطلق بنات الناس وماترضى تاخذ مطلقة ؟>>> يجاوبون الرجال

ليش هذي النظرية والعادات الموجودة عندنا؟
الجهل واالله مشكله وغير كذا العادات والتقاليد زي ما تفضلتي

والمجتمع حكم على المطلقه حكم ظالم لانسانه بريئه ربما ..بالاغلب مظلومه

طبعا الناس ماتقدر تغير وجهه نظرهم

الناس مثل النهر الجاري ماتقدر توقف امامه غير تجاريه او تبعد عنه اذا كلامه مااعجبك

موضوعك يستاهل النقاش

يعطيك العافيه ..

تحياتي لك .

دمتي بود

نـقـل رائـع كـروعـة قـلـبـك الـجـمـيـل
أخـي الـحـبـيـب اللـي يـبـغـى يـبـتـعـد
تـلـك هـي احـدى الـقـضـايـا الـتـى كـانـت ومـازالـت تـعـانـي مـنـهـا المـطلـقـة وذويـهـا .
ويـبـقـى للمـجـتـمـع دور هـام فـي تـغـيـر ذاك الإعـتـقـاد الـواهـي والـغـيـر مـنـصـف للمـرأة المـطلـقـة
وذلـك مـن خـلال فـهـمـه وتـفـهـمـه لـواقـع الـحـيـاة ، ... ، بـعـيـدا عـن كـل مـورث جـاهـلـي لا صـلـة لـه بـالـديـن .
أشـكـرك
والله يـعـطيـك الـعـافـيـة ويـطول بـعـمـرك ويـحـفـظك ويـسـعـدك فـي الـدنـيـا والآخـرة
تـحـيـتـي وودي لـك

اختي soso

حياك ربي ويعطيك العافية يالغلا وجهه نظر موفقه باذن الله ,,

اقتباس:

---

المشاركة الأصلية كتبت بواسطة بيبرس

نـقـل رائـع كـروعـة قـلـبـك الـجـمـيـل
أخـي الـحـبـيـب اللـي يـبـغـى يـبـتـعـد
تـلـك هـي احـدى الـقـضـايـا الـتـى كـانـت ومـازالـت تـعـانـي مـنـهـا المـطلـقـة وذويـهـا .
ويـبـقـى للمـجـتـمـع دور هـام فـي تـغـيـر ذاك الإعـتـقـاد الـواهـي والـغـيـر مـنـصـف للمـرأة المـطلـقـة
وذلـك مـن خـلال فـهـمـه وتـفـهـمـه لـواقـع الـحـيـاة ، ... ، بـعـيـدا عـن كـل مـورث جـاهـلـي لا صـلـة لـه بـالـديـن .
أشـكـرك
والله يـعـطيـك الـعـافـيـة ويـطول بـعـمـرك ويـحـفـظك ويـسـعـدك فـي الـدنـيـا والآخـرة
تـحـيـتـي وودي لـك

---

حياك الله اخوي بيبرس
اتمنى لو ان العالم تحاول ولو مجرد المحاولة تغير من نفسها شوي ,, من جد في عادات مالها داعي ,,

بالأخير احب انبهك اخوي انا اختك مو اخوك ,,

يعطيك العافية

غلاتي ببتعد
للاسف كثير مااسمع في مجتمعنا ان العيب دايما في البنت
مدري ليش ؟
يعني البنت لما تتطلق خلاص محد يبغاها وماياخذها الا انسان كبير ولا متزوج
يعني يحكموا على المطلقة
انها ما اتطلقت الا بسبب منها او انها مقصرة مع زوجها او ماريحته في حياته
طيب ليش مايكون هو السبب ؟!!
مثلا زوج مريض بالشك او زوج معذب زوجته بالضرب بسبب او من غير سبب
حتى لو هو يكيد فيها ومايبغى يطلقها هي تطلب الطلاق او الخلع
يعني افهم ليش الكلام دايما يجي على البنات سواء كانت مطلقة او عانس
زي مالبنت فيها عيوب الرجال كمان فيه عيوب
ومحد كامل الا وجهه تعالى
فاكيد هذا اكبر سبب يخلي الرجل الغير متزوج ينظر للمطلقة نظرة غير صحيحة
فيرفض الزواج بها !!

طرح رائع كروعتك
الف شكر يالغالية

ببتعد الي تتطلق وهي صغيره ذا نصيبها واذا جاها رجل متزوج أو مطلق مااشوف فيها شي تتزوج

وخالي لما قرر يتزوج الحرمة الثانيه شرط علينا تكون مطلقه وحمد الله هالحين هي عايشه معه وعادي

وافضل انه تاخذ متزوج أو مطلق عشان مايحس بالذنب ويتحسر ع نفسه وثمن أعرس عليها ببنوته


لأن بمجتمعنا وثقافته مستحيل اب يزوج ولده الأعزب لمطلقه حتى لو كانت جمال وأخلاق

حتى الشاب نفسه بيقول وش ناقصني عشان ماخذ بنت وأخذ وحده مطلقه

ونصيحه للمطلقات انها لا تفكر انوو خلاص حياتها انتهت و لازم تتزوج تبدأ حياه جديده

وتفكر تطور نفسها وتكون انسانه ناجحه والطلاق مو عيب بالعكس بعض الأحيان يكون أفضل الحلول


ودمتم بود

[align=center]
السلام عليكم

اولاً اشكر كاتب او كاتبة الموضوع

بصراحه النك مو واضح كثير

اعتقد الشغله تختلف من شخص لآخر

المجتمع الآن بدأ يتغير

ما أقول انه مافي نوعية هذا الشخص الذي رفض الإقتران بمطلقه

الا اكيد موجود

ولكن اقول النسبه تغيرت

للأسف الكثير يقولون مطلقه و كانها جريمه

طيب يمكن الغالط كان على الزوج السابق

و انا شخصياً اعرف شخص طلق اكثر ن 3 مرات

والسبب رفض الفتيات اكمال الحياة معه

لماذا ؟ لأنه يشرب الخمر

يعني ثلاث مطلقات من وراه بدون ذنب لهن

اعتقد السؤال عن سيرة الفتاة هو الأهم

سواء هي مطلقه او لم يسبق لها الزواج

أخيراً

أشكر الاخ أو الاخت

و السلام عليكم
[/align]