زوجة تؤكد مضاعفة حق الزوج .. بقصيدة شعرية !
اخوتي الكرام ..
السلام عليكم ورحمة الله وبركاته
زوجة تؤكد مضاعفة حق الزوج
هذه الشاعرة (سعدى بنت إبن ثعلى ) من الروقة من قبيلة عتيبة
قالت : قصيدة في زوجها عندما طعن بالسن وهي :
العام تبغى لك من البيض ثنتين= ايضا وتبغى لك عليهن زياده
العود لا منه وصل سن سبعين= يروح مخه مثل مخ الجراده
لايقضي الحاجة ولايوفي الدين =حتى أيش لو عطرت فرش الوساده
والله ما الوم العود مير الكبر شين =العود جاته خلتة من زنادة
ياما ثنا عمره خلاف المقفين= ايلا نشب خطو الردي في شداده
واليوم لو نوزية في محجر العين= امشي على مشهاه واتبع مراده
ماالحق جزاه اللي مضى قبل عامين= ماني من الي دايم با الجحاده
ياجاهلات حقهم فالكن شين= ميعادكن يوم الحشر والشهادة
العود لاشيب لزمنا بحقين= رد الجميل ونحمد الله عباده
لابد يوم به فراق المحبين = اما غضر عود دنا له حصاده
فهل يعرف نساء اليوم حق الزوج كما عرفتة شاعرتنا
تحمل هذه القصيدة أكثر من حكمة في كل بيت من أبياتها ، ففيها مداعبة زوجية طريفة و إشادة بمكارمه و إقرار بعرفان و تنبيه لغافل و تأكيد لحق . . . فالملاحظ أن الحياة الزوجية قائمة على روح من التألف و الانسجام الصحيحين . . . وان هذه المرأة ممن اكملهن الله بالعقل الذي هو جوهر و كمال كل عمل و به يمسك عنان النفس ، وعلى هذا الإعتبار فإن هذه الزوجة خير و أوفق قرينه صالحة آتية ما يحب زوجها تاركة ما يوغر صدره و أمثالها قلة في هذا العصر .
تحياتي لكم جميعا
رد: زوجة تؤكد مضاعفة حق الزوج .. بقصيدة شعرية !
ومثلك الى منة وصل عام سبعين
يروح مخه مثل مخ الجراده
,
,
البيت هذا صار مثل عند العامه
العود لا منه وصل سن 70
يروح مخه مثل مخ الجراده
هههههههه
تسلم ياسليمان على هالاختيار الرائع
انا اول مره اقراها كامله واعرف صاحبها
يازين حريم اول
همها كله بيتها وراعي بيتها وعيالها بعد طاعة الله عز وجل
الان الله يصلح الحال
بس يبدو لي ان عمل المرأه شتتها ولخبط اولوياتها
وطمّع زوجها فيها
ومن هنا تبدا المشاكل
شكرا سليمان مره ثانيه
رد: زوجة تؤكد مضاعفة حق الزوج .. بقصيدة شعرية !
اقتباس:
المشاركة الأصلية كتبت بواسطة محمد بن ضاوي
ومثلك الى منة وصل عام سبعين
يروح مخه مثل مخ الجراده,
,
البيت هذا صار مثل عند العامه
العود لا منه وصل سن 70
يروح مخه مثل مخ الجراده
هههههههه
تسلم ياسليمان على هالاختيار الرائع
انا اول مره اقراها كامله واعرف صاحبها
يازين حريم اول
همها كله بيتها وراعي بيتها وعيالها بعد طاعة الله عز وجل
الان الله يصلح الحال
بس يبدو لي ان عمل المرأه شتتها ولخبط اولوياتها
وطمّع زوجها فيها
ومن هنا تبدا المشاكل
شكرا سليمان مره ثانيه
اهلا بك اخي محمد
تقول : ياااا زين حريم أول
اللي يقرأ هذا يقول ان عمرك 69 سنه فقط :مزون:
ما وصلتها الـ 70 علشان الجراده وبتاع !
سعدت بتشريفك الموضوع
بارك الله فيك و وفقك وأسعدك في الدارين
ملاحظة :
تمنيت اخي الكريم لو عدّلت البيت في القصيدة
فالصحيح كما لمحت له انت :wink:
العود لا منه وصل سن 70
يروح مخه مثل مخ الجراده
وليس عام 70
فالعام تصف التاريخ
اما السن فيصف العمر
ايضا ( لا منه) وليس ــة
فهي هاء وليست تاء مربوطة
شكرا لك
رد: زوجة تؤكد مضاعفة حق الزوج .. بقصيدة شعرية !
الشرهه ماهي عليك
على اللي يرد على مواضيعك ثاني مره
ياخي انت ماتعطي الواحد فرصه يتفلسف شوي؟ :مزون:
رد: زوجة تؤكد مضاعفة حق الزوج .. بقصيدة شعرية !
اقتباس:
المشاركة الأصلية كتبت بواسطة محمد بن ضاوي
الشرهه ماهي عليك
على اللي يرد على مواضيعك ثاني مره
ياخي انت ماتعطي الواحد فرصه يتفلسف شوي؟ :مزون:
ليه بس ؟
الله لا يجيب وحش :مزون:
الا تفلسف شويات
بس اعد تحرير البيت يا ابن ضاوي
والا والله اني لا اوصي واحد يهجوك :icon_evil
ومن الهجاء ما قتل :rain:
رد: زوجة تؤكد مضاعفة حق الزوج .. بقصيدة شعرية !
تم التعديل ههههههههه
العفو ترى ماشفت ملاحظتك الا للتو واللحظه وبعد بغيت اضيف مشاركه جديده اسالك فيها عن البيت اللي تبيني اعيد تحريره هههه
شكلي كنت مندفع بالحيل للتفلسف وما انتبهت ههههههههه
رد: زوجة تؤكد مضاعفة حق الزوج .. بقصيدة شعرية !
اقتباس:
المشاركة الأصلية كتبت بواسطة محمد بن ضاوي
تم التعديل ههههههههه
العفو ترى ماشفت ملاحظتك الا للتو واللحظه وبعد بغيت اضيف مشاركه جديده اسالك فيها عن البيت اللي تبيني اعيد تحريره هههه
شكلي كنت مندفع بالحيل للتفلسف وما انتبهت ههههههههه
الله يغفر لنا ولك ووالدينا ووالديك والمسلمين اجمعين
ويبارك لك بعمرك واهلك ومالك ويجعلك راضيا مرضيا
رد: زوجة تؤكد مضاعفة حق الزوج .. بقصيدة شعرية !
؛
تسلم ياسليمان ..واختيار مدهش كـ عادتك دآئماً
انتظر جديدك يا اخي
.
رد: زوجة تؤكد مضاعفة حق الزوج .. بقصيدة شعرية !
اقتباس:
المشاركة الأصلية كتبت بواسطة يُتم
؛
تسلم ياسليمان ..واختيار مدهش كـ عادتك دآئماً
انتظر جديدك يا اخي
.
سلمت ولا هنت يا يتم
اشكرلك حضورك الطيب بارك الله فيك و وفقك
