يالجرح لاتدعي على اللي ظلمنـي

[poem=font=",6,darkred,bold,normal" bkcolor="transparent" bkimage="http://www.g111g.com/vb/mwaextraedit2/backgrounds/4.gif" border="double,2,darkblue" type=2 line=0 align=center use=ex num="0,black""]

يالجرح لاتدعي على اللي ظلمنـي=عنده على جرح المعاليـق تصريـح
لوهو مـن رقـود الليالـي حرمنـي=ولا جاب لي عن سبة الهجر توضيح
ماغيره احد(ن)بالاوادم فهمنـي=واكبر دليل انه ضحكلي وانا اصيح
رحمـت قلب(ن)بالجفـى مارحمنـي =والناس ماترحـم قلـوب المجاريـح
ليته على طيـب المواقـف حشمنـي=وقبل اندفع قال انتبه لاجـل مااطيـح
والله فلا ادري كيـف ربـي نجمنـي=يوم ارتجي زرع(ن)شـروه الفلاليـح
كنـه بشينـات القذايـف رجمـنـي=يوم اشتكيت مـن العيـون الذوابيـح
اشكي من اللي في جفـاه استلمنـي=واركى على كبدي شطيـر الزنانيـح
لـو كنـت داري يافهـد ماهزمـنـي=دامي فهيم ومـن كبـار الطحاطيـح
واليوم لو يدخل خصامـي خصمنـي=وشلـون اواجـه يانعـات التفافيـح
عز الله انه فـي وسومـه وسمنـي=واشعل بوسط الجوف نار(ن)على شيح
لا داج طيفـه بالضمايـر صرمـنـي=وشفت الجروح اللي بقلبي نواضيـح
هربت عـن هرج(ن)بعذلـه كتمنـي=من عالم(ن)عقب الشماتـه نواصيـح
وهرج العواذل رغم جرحـه خدمنـي=وبان الحواسد تحت نـور المصابيـح
اللي على ريشـة خداعـه رسمنـي=والهـرج لقفـول الضمايـر مفاتيـح
رجيت نفـع اللـي بكذبـه زحمنـي=وانا احسب انه من رجال(ن)زحازيـح
لا ضاق فـي دنيـاه قـام وزهمنـي=وارويت بالفزعـه كبود(ن)مشافيـح
والحمد للي عـن طبوعـه عصمنـي=وعنهـم رقيـت بعاليـات اللواليـح
لا شفت قلبي فـي هجوسـه برمنـي=دفعت رجلـي فـي بعيـد المشاويـح
واتـرك عزيمـة واحد(ن)ماعزمنـي=وحده ولا قـرب العفـون المراويـح [/poem]