انا وشلون ابلقى اللي يساعدني على النكبات

[poem=font="arial,6,darkblue,bold,normal" bkcolor="white" bkimage="http://www.g111g.com/vb/mwaextraedit2/backgrounds/4.gif" border="ridge,4," type=2 line=0 align=center use=ex num="0,black""]
انا حالي يابن ضاوي تسر الحاسد الشمات=يجوز اكذب على غيرك واقول الحال مايعتاز
انا وشلون ابلقى اللي يساعدني على النكبات=اذا انك غبت يامحمد سوات محمد الفواز
[/poem]
امنح قلبك للإنسان
للذي يعطيك ولا يسأل كيف أو كم أو لمن أو لماذا أو ما المقابل
يحمل على ظهره كل همومك ويدعو لك قبل نفسه
يشاركك أحلامك وطموحاتك مهما كانت بعيدة المنال أو سخيفة
يأخذ من ابتسامته ويرسمها على وجهك
يقرا عينيك قبل لسانك
يصدقك بينما كل الناس تكذبك
يغار من الدمعة أن لامست خديك
يوجهك أن ضللت الطريق
يجعل من أذنيه ملجأ لغضبك ومن قلبه قبرا لأحزانك
يخاف عليك من أن تشعر بالوحدة مع شخص أخر
لا يجعلك محتاجا له فهو دائما إلى جانبك
يراك عظيما وقادرا عندما ترى نفسك فاشلا
يقسو عليك عندما تقسو على نفسك
فيأخذ من روحه ويزرعها في يديك
[poem=font="arial,6,darkblue,bold,normal" bkcolor="white" bkimage="http://www.g111g.com/vb/mwaextraedit2/backgrounds/4.gif" border="ridge,4," type=2 line=0 align=center use=ex num="0,black""]
عاد عيد الصاحب اللي غثنـا بفراقـه=كيف اسير بوسط ظلما غبت يافانوسـه
كان ابن غسلان روحه في دياره ضاقه=اشهد انه راس عز يستحـق البوسـه
ياخويي لك خويـآ ماتشيـن اخلاقـه=مايرز النفس لو غيـره تـرز نفوسـه
ماجد العلوان حرك نفسـي المشتاقـه=للحروف اللي على نفس البحر مقيوسه
انت يافواز تنعـش حبرهـا واوراقـه=كيف ابنسى شعرك اللي حافظين دروسه
كان راوي نجد يشكي من عشير باقـه=قبل راوي نجد قلبي ذاق طعنت موسـه
كاتم بالروح نـارآ تشتعـل باشناقـه=تشعله نار المحبه مع هروج نجوسـه
نار هجران الحبايب تصطلي باعماقـه=وهرجة العذال صارت بالضماير سوسه
كل ماداويت قلبي مـن جـروح ذاقـه=تجرحه ذكرى عنودآ بالحشى مغروسه
اكتفيت بعشر عفوآ مابقالي طاقه =ياخليل العصر ساس الشعر ياقاموسـه
[/poem]
انتهى
هذي اضافه من مناوشات خاصه مع الغسلان
[poem=font="arial,6,darkblue,bold,normal" bkcolor="white" bkimage="http://www.g111g.com/vb/mwaextraedit2/backgrounds/4.gif" border="ridge,4," type=2 line=0 align=center use=ex num="0,black""]
عــاد عــواد الـطـنـايا=مـثـل شـيـال الـمـنـايا
مسكـنـه بـيـن الحـنـايا=بيـنـنـا عـيـش وصداقه
مرحـبـا بك يابوصالح=لو شرابك صار مالح
الـعرب صارت مـصالح=لاعــهــود ولا لـبـاقـه
النسب ولد الضياغـم=واللـغـم بالصـدر لاغـم
والـنـــغـم لاصـار نـاغـم=هو سبـب كـثـرة فلاقه
يحسب ان الحب رايع=كبسة(ن)والبطن جايع
وطاح كل الـعـقل ضايع=وعايق الغسلان عاقه
قلت لـه خـل الـعذارى=اودعت غيرك سكارى
حـكـمهن حكـم النـصارى=يوم طـبوا فـي عراقه
قال رايك راي حاسد=في دروب العشق كاسد
وانت يالغسلان فاسد=دايـم(ن)عـيـنـك لساقه
قـلـت ياعـواد طـعـني=والـهـوى قبـلـك قـطـعـنـي
والنجـوم اللي سطـعـني=حاست عقول الرفاقه
عـقـب ماذاق الـتـجارب=الهوى لـسع العقارب
كــنهـا نـــفـض الكــهـارب=يوم راع الـزيـن باقـه
وصار طول الليل راغي=يشتكي كسر البراغي
عــقـب ماعـواد طـاغي=كـيـف عـذبـنـي شهاقه
قـال محـبـوبـي مـغادر=شف دمـوع الـعـيـن حادر
زيــنــهــا ياخــوك نـادر=ومالـنـا بالــهـجــر طـاقه
والله ان الـزيـن غـالـي=لو غـرامـه سـم حـالـي
عـفـت كل الناس جالي=كان صـمـم فـي فـراقـه
ساحر(ن)عقلي وروحي=لين بانت بي جروحي
لـو مـعـالـــيــقـي تـــفـوحــي=مانــفــكـر فـي طــلاقـه
قلت تـسـتـاهل عذابك=ياملا الـغـاضـر شبابك
بالمـحـبـه ويـش جـابـك=قال ابي اجرب مذاقه
[/poem]
عواد
[poem=font="arial,6,darkblue,bold,normal" bkcolor="white" bkimage="http://www.g111g.com/vb/mwaextraedit2/backgrounds/4.gif" border="ridge,4," type=2 line=0 align=center use=ex num="0,black""]
ابشر ان اخوك جالك=توي اشاهد مقالك
ياعسى الخايب فدالك=جاك ردي في رواقه
يارفيق الدرب هذي=من هواها يستعاذي
ياحزامي ياملاذي=منك يازين الطفاقه
يامعزي يامواسي =عن هوى اللي راح ناسي
انت يالراوي سياسي=يابعد راع الحماقه
القلم حبره يجفي=قبل ماالحق فيك شفي
دايمآ واقف بصفي=كل مادنياي ضاقه
انت يامقدر ظروفي=انت يابهجة حروفي
واحد وتسوى الوفي=ياشهامه ياطلاقه
انت ياعلك بعدها=ياغناة اللي فقدها
كبدي غيابه لهدها=شوفته صارت شفاقه
ليه غبتي يالئيمه =يابعد هند وحليمه
وانتي غيابك جريمه=يمكن يسبب اعاقه
ناوي بفواز نيه=ودي ارسله هديه
واذكر عزومه قويه=دايمآ يكسب سباقه
[/poem]
عواد
[poem=font="arial,6,darkblue,bold,normal" bkcolor="white" bkimage="http://www.g111g.com/vb/mwaextraedit2/backgrounds/4.gif" border="ridge,4," type=2 line=0 align=center use=ex num="0,black""]
ياابو فهد ياعزوتي آسف على طول الغياب=الحال خافي وانت تدريبه ولاهو في يدي
الشاهد الله ماعلى مثلي ملام ولاعتاب=ماني مبرر غلطتي لاصرت تفهم مقصدي
الصمت والكتمان للمبلي مثل ستر الثياب=اليا كسبنا الستر هانت كل بلوى يابعدي
ماني على خبرك ترى الكابتن بعد خبرك مصاب=واصابتي غظروف بالركبه وانا حظي ردي
خذ موجز الاحوال والتقرير من فحوى الخطاب=وانا اعرف سهيل اليماني مايغار من الجدي
اببتدي بالفهرسه من قبل مضمون الكتاب=وابفرض انك قلت وش بك عكس غيرك تبتدي
هذا السؤال اللي طرح نفسه ويبحث عن جواب=والله يصبرني على بلواي لاضاع جهدي
انا العليل اللي علاجه بين جنحان الغراب=واليا اقتربت يطير بالجنحان واخوك يعدي
ياصاحبي ياصاحبي وش هو علاج الاكتئاب=لاطاول الرجال تسع شهور واصبح سرمدي
واسباب ماجاني سهوم عيون لباس النقاب=الله يسامحها وانا باسبابها متعقدي
يافاتنه خوفي من الله لاتزيديني عذاب=وشلون عينك تسهر عيون العباد وترقدي
وش تبين اكثر من اللي شفت يامال الذ هاب=يالعنبو حي العدو روفي بحال الاجودي
يالله عسى اللي صابني تكفير في يوم الحساب=ياكبرها ياعبرها آسم ذلولي وتغدي
مليار نكبه ماضيه هذا وانا توي شباب=وقف رصيد امسي ويومي وقافيهن غدي
ياراويتنا المحترم وش هي شروط الانسحاب=ابنسحب من حبها وانظر لبنتي وولدي
ابشر ترى اللي نفس الكربه عن المسلم يثاب=يرفع يدينه بالدعا ويعيدها بالمسجدي
التوريه ياابو فهد في جو معنانا ضباب=لاصرت نجم (ن)بالسما حنا بنورك نهتدي
[/poem]
فواز
[poem=font="arial,6,darkblue,bold,normal" bkcolor="white" bkimage="http://www.g111g.com/vb/mwaextraedit2/backgrounds/4.gif" border="ridge,4," type=2 line=0 align=center use=ex num="0,black""]
انا حـسـبت الـجـرح الاول فيـك ياعـواد طـاب=عقب الهجوم اللي حدث لك من رموش المعتدي
ظنيت خصمك يابوصالح عن شرور الحرب تاب=وعن شن غـارات الـغـرام الشين واللـيل اسودي
شـفـتـه تـرك كل البيوت بـقـصـف نـيـرانـه خـراب=وصارت مثل بعض الـديار اللي شـمـال المشهدي
وظنيت ابوصالح نسى ركـضـه ورى زول السراب=او يـسـتـمـع تـاريـخ نــجــد الـلـي رواه الـمـرشـدي
واثريك طـايـح ياعشيري عـقـب طـعـنـات الحراب=وهـذا الـذي خــلاك عـنــي يـابـوصـالـح تـلــبـدي
شكيت شيبك للـذي قـبلـك من الـخـفـرات شاب=وقعدت من ضيم الغرام بـنـفـس صـيـغـة مقـعدي
لا تشتكـي جرح الـعـنـايـد قـبـل تـكـمـيـل النصاب=وترى البساط اللي فرشنا صار يالـقـرم احـمـدي
مـمـنـوع تـشـكـي قـبـل تـكـمـل عام ياسمح الجناب=وانـتـه سـهـيـر(ن)بـالـحـمـاد وفوق جـمـر المنـقدي
تـقـعـد لــحـالـك ماتـخـاف الـلـيــل والا زول داب=وترقب بـروق(ن)في ديار الـزيـن نـوره يـصـعدي
وترسل سلامك للـحـبـايـب كـلـمـا لاح الـشـهـاب=تـصير عـيـنـك مـع نـجـوم الـلـيـل مـثـل الـمـرصـدي
وتقضي نهارك في شبـوك الـعـلـب او ذيك الهضاب=يـمـكـن جـحـيـمـك يابـوصـالـح بالـضـمـاير يسمدي
واصبر مدامك طعت نـجـوى فـي لـحونه مع رباب=وتابع بـرامـج شـيـخـنـا عـبـدالـعــزيــز الـمـسـنـدي
شكيت ناب لواحد(ن)يشكي وجـع عـشـريـن نـاب=رقـيـت جــلــديـه وهـو قـبـلــك بـراس ابـا عــدي
[/poem]
فواز
[poem=font="arial,6,darkblue,bold,normal" bkcolor="white" bkimage="http://www.g111g.com/vb/mwaextraedit2/backgrounds/4.gif" border="ridge,4," type=2 line=0 align=center use=ex num="0,black""]

سلام الله وماشاء الله على اللي طاح مجـدوله=شعر ضافـي للاردافـي غـدى زاف(ن)عـلــى زافـي
ابـي عــواد كــانـه فــاد مـايـرتــاد بـنـــزولــه=اخـاف الـصـاد لـلـقـصـاد تـصـبـح ضـاد مـع كافـي
انا عـسـاف غـلـق الـقـاف مهما طاف مفـعـوله=اصيد الحرف واغرف غرف واصرف دون صرافي
وانا محتاج صرف علاج عقب احراج مرسوله=ابـي تـعـمـيــم سـيــن وجـيــم ياصـل كـل الاطـرافي
اريد وصوف راع الجوف عقب الباب وقـفـوله=شـبـيــه الـبــدر زيـن الـصدر مـثل الجوهر الصافي
رمـى حـالـي بـلا والـي ولا لـي قـول مع قـوله=وغـدى روحـي وذابوحـي وانا اكـتـم جـرحي الخافي
رموشه سود وريحه عود ذاق الكود من حـوله=قـوي الـباس فـيـه احـتـاس وامـسـى نـورهــم طـافي
دعـى الخلاق لا يـنـعـاق عـقب الهول من زوله=غـدى الـخـفـاق وسـط اشـواق مـاتـنـطــاق ياكـافـي
رفعت الصوت قبل الفوت خفت الموت وخيوله=لزمـت الصمـت مـا قـاومــت رمـش اريـام الاريافـي
جـحـيـم الشوق ساقن سوق قـبل البوق ومحوله=اخاف السيف عقب الريف واهـل الحـيـف تـنـخـافي
واذا عـواد كالـمـعــتــاد صـاد الـقـاف وحـلـولـه=يـجـي هــداد كـالـجــلاد فــيـــه عــنــاد وخــلافـي

[/poem]




عواد
[poem=font="arial,6,darkblue,bold,normal" bkcolor="white" bkimage="http://www.g111g.com/vb/mwaextraedit2/backgrounds/4.gif" border="ridge,4," type=2 line=0 align=center use=ex num="0,black""]
بدا المسجوع عذب النوع والمفجوع قولوله=انا بجنبه مثل ذنبه نديم عاشر سنافي
ترى البيبان ياذيبان مفتوحه ومقفوله=خذاك الوقت وانا اشتقت اذوق المنهل الصافي
لاجل سلمى تشوف المى يفيض القسم بسيوله=اجي كلي ولا ازلي ولاانسى وقفت الوافي
عليك اسلوب بالمكتوب ياصعبه وياطوله=وانا مقرود احب الكود واعشق خير الاصنافي
على خلك تجي كلك لاابو عينين مكحوله=وانا ادلك مودآ لك اجيك اركض وانا حافي
عساه تطيع قبل يضيع مجنونه ومهبوله=ولاتقفي وانا شفي احقق عدل وانصافي
حلاوتها بقساوتها ولاتياتيك بسهوله=ابخربها وابخطبها واجيك بعلمي الشافي
انا عندك ومن جندك انا جوله ولك جوله=نهايتها وبدايتها محبة زين الاوصافي
ختم فواز بالالغاز وانا اقوله واباطوله=انا منحاز والانجاز تصادم قافك بقافي[/poem]