مساجله:شفّي رفيقٍ في المواقيـف مامـاج

السلام عليكم ورحمة الله وبركاته
مراسله بيني وبين الشاعر القدير مطلق بن عبدالله بن الحصان ال عمّار الدوسري




أنا أقول:
[poem=font=",5,darkblue,bold,italic" bkcolor="transparent" bkimage="" border="none,4," type=2 line=0 align=center use=ex num="0,black""]

الخايب اللّي قلبه اسوّد من الصّاج=لامـن مشينـا بالحكـي يقتفينـا
ياكثر حكيه ماتقل غيـر حـرّاج=بالكذب والغيبـه وحقـده علينـا
يالله عساني له فالازمات ماحتاج=والله يسـد بفرجتـه لا يجيـنـا
طبع الردي ياخوان مايفيده اعلاج=يمكن يفيد الكـي فـوق الجبينـا
شفّي رفيقٍ في المواقيف مامـاج=لاشتدت الأزمـات نعـم العوينـا
اليـا انتخيتـه ماتوانـا ولا راج=رجمٍ ثقيلٍ في المواقـف رزينـا
مثل الحصان اليا تذكرت الأفـلاج=دار الرجال أهـل الوفـا الغنميـا
مطلق حليف المرجله اطلق احجاج=وافـي وفعلـه بالمراجـل يبينـا

[/poem]



رد مطلق الحصان ال عمار

[poem=font=",5,darkblue,bold,italic" bkcolor="transparent" bkimage="" border="none,4," type=2 line=0 align=center use=ex num="0,black""]

حييت يا شافـي والأيـام تنبّـاج=بوج الظلام بنور شمـسٍ حسينـا
يظهر بها ماكان خافـي بـالأدراج=وتكشف خوافـي خافيـاتٍ دفينـا
عشنا وشفنا من صواديف الأمواج=وشمنا عن الخايب قصير اليدينـا
والوقت لو خلّى للأنـذال مخـراج=لاشـك كـلٍ فـي فعولـه رهينـا
والهرج مايرفع من الناس هـرّاج=ولا يوّفـي وقـفـة الخايبيـنـا
لو كان تنزل بالمنـازل والأبـراج=ولو كان تملـك مالهـا عايبينـا
طبع الردي يبقى مع الوقت منعاج=ولا ينعدل دربه علـى العارفينـا
خلك على طبعك ترا الطيب منهاج=واسفه كثيـر الهـرج للجاهلينـا
[/poem]




تقبلوا شكري


أخوكم:شافي القويسي المخاريم الدوسري

صح لسانك ولسانه

وكل عام وانت بخير

تحيتي لك

صوت عذب وصدى رائع ..
سلمت دمت للعذب المميز شاعرنا ..

ابو عبدالرحمن يعطيك العافيه ع موركر الجميل لاهنت

"

صح لسانك يا شافي مدد بلا عدد انت و رفيقك

:

كل عام و انت بالف خير

"

صح لسااانك يالدوسري
ولسان مطلق

سلمت

لسانك صح>>>>>>,,,,,,,,,
يعطيك العافيه اخووي ,,

هلا بك ياشافي

يسلم راسك وراس من جاراك

صحة السنتكم جميعا

الجزل مايجيب الا الجزل دائما

ودي وتقديري

صح لسانك ياشافي ولسان الشاعر

وبيض الله وجيهكم على المساجله الطيبه

لين شاكر لمرورك العذب لاهنتي

منصور شاكر لمرورك لا عدمتك لاهنت

فهده شاكر لمرورك الجميل يعطيك العافيه ولاهنتي