المشاركة الأصلية كتبت بواسطة @.الرهيبة.@
0
0
0
الرائع العذب راكان
يالله عسى ماللردي عندنا حقوق....
أتيت بجمال ورقة وصدق حرف وروح متألِقة هنا ...
كل القصيدة من أولها لآخرها هي رائعة لايختار منها أحدنا شيئاً عن شيء ...
مـن لايثمّـن هرجتـه لانطقـهـا
ومسرّح لسانه على كـل طـاروق
وأذنه عن أشوار المناعيـر صقهـا
ما يازن الكلمه ولا يعْـرف الـذوق
يجنّـب دروبٍ صعيبـه طرقـهـا
ما كل دربٍ يسلكـه كـل مخلـوق
الله خلـق خلقـه بحكمْـه فرقـهـا
ما يستوي الواطي وألا اللي رقا فوق
ناسٍ لكسب الطيب ينـدى عرقهـا
للطايلـه سابـق وللهون مسـبـوق
وناسٍ تـودّم عيبهـا فـي مرقهـا
مالله ميسّرها على خيـر منطـوق
غربـان لاجاعـت تزايـد نعقهـا
بين الحرار وبينها فـرق وفـروق
السدره اللـي مـا يظلّـل ورقهـا
مثل الرفيق اللي يدوّر بـك العـوق
احدٍ الى خـاض السوالـف محقهـا
دايم مضرّيها علـى النـم والبـوق
واحـدٍ مواثيـق الرفاقـه صدقهـا
واضمر لسدّه داخل الصدر صندوق
دنيـاً تخـاوى ذيبهـا مـع سلقهـا
يالله عسى ما للردي عندنا حقـوق
ويالله بغيـثٍ ينبـت أول دبقـهـا
وريح الخزامى يختلط فيه زملـوق
وين الذي دروب المعالـي عشقهـا
اللي تسوقـه همّتـه للعـلا سـوق
نفسي تزايـد مـن عناهـا أرقهـا
حتى المنام ولذّته حـارب المـوق
شمس الحقيقه بيّنـت لـي شفقهـا
حتى اتضح لي كل ما كان مغلـوق
ذي سنّـة الدنيـا مـن الله خلقهـا
لكنّ أقول أن كل مطـرود ملحـوق
وأرجع على أبياتٍ هجوسي طرقها
وأختم قوافيها على اهـم طـاروق
مـن لايثمّـن هرجتـه لانطقـهـا
هذا يعدّ بسلـم الأجـواد مطفـوق
0
0
0
كم هو جميل ياراكان أن يجد المرء الأناس الأصفياء الذين يهبُ لهم قلبه\ صدقه \ حرف ويجد منهم لقاء ذلك فقط العرفان بما بُذِلَ لأجلِهم....
ودروب المعالي ياعزيزي هي دروب الأناس الصادقين الخالين من كل زيفٍ وكذب وريبة....
الذين يسيرون قُدُماً حتى يصلوا لكل خير وسعادة ....
تلك هي المعالي ياعزيزي
وقد قال أحدهم يشجب الأقوام التى لها قلوب شياطين وصور انسٍ...
أصبحت مطروحا في معشر جهلوا
حق الأديب فبــاعوا الرأس بالذنب
والنـــاس يجمعهم شمـل وبينهم
في العقل فرق وفي الآداب والحسب
كمثل مــا الذهب الإبريز يشركه
في لونه الصفــر والتفضيل للذهب
والعود لو لم تطب منه روائحــه
لم يفرق النــاس بين العود والحطب
0
0
دمت ودام قلبك ونبضك ياعزيزي ...