-
عربسات الفضا
[align=center]
صباحكم شعر
جديده للتواصل :
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black"]
قصّر على صوت الإذاعه يانواف=الصدر كنّه فوق صال المليله
وسوّ لعربسات الفضا لحظة إيقاف=واسمع معي حبْك المعان الجميله
لنّي معك صادق وواضح وشفّاف=جزل القصيد اليوم بطلق سبيله
وبآخذ مع جزال الطواريق محراف=شاعر وتطربني البيوت الجزيله
وعلى المثايل ياتي لفكري شعاف=وانقّحه واسامره وارتكيله
ولانيب أدوّر من ورى الجزله انصاف=اسرجت فكري فوق ظهر الكحيله
شاعر ولي في حزة القاف ميقاف=واثق ولا غرّه مطافيق جيله
مبدا بديته والهدف حسب الأهداف=لامن كتبت البيت راسي دليله
اقطف ثمر صدري لو ضلوعي عجاف=عن مايوسّع خاطري كل ليله
ياصاحبي ذا الوقت من جد ينعاف=اللي به الحصني ركز راس ذيله
لو الردى بوجيه الأنذال ينشاف=ماكان غرّتنا السنين الطويله
طفت البلد لو كان مانيب طوّاف=وحلّلت لأصناف العباد الفصيله
مايرتكي لحمول الأيام خوّاف=في موقف الشدّات دوّر بديله
لا صار مايرقا على راس مشراف=احسنله أنّه يكسي الراس شيله
هذاك ( لامفرّج ) ولاهوب ( عسّاف )=واليا سمعته قلت يسوى قبيله
عن عنوةٍ يمّه تخيّرت الإنكاف=لاصار ماله فالمواقيف حيله
ياليت لأصناف المخاليق صرّاف=نصرف بدال الحنظله زنجبيله
وألا الوفي قدره على روس الأكتاف=دامه يشيل الطيب والله لأشيله
وأن حاول التقليل من قدره ضعاف=عن شر سودان الوجيه احتميله
ولانيب أمازح من روابعهم خفاف=ولانيب أجالس عاشقين الرذيله
ولانيب أعبّرهم ولو كانوا أضعاف=لوينبت براس المهبّل فسيله
قل للردي دامه جهل درب الأشراف=كلمة ( نعم ) مهما طمح مستحيله
لو زار له كاهن وساحر وعرّاف=ماهوب لاقيله عليها وسيله
المرجله تبغى ولد نادر أوصاف=مايمشي ألا في دروب الفضيله
ليت الظماير يالشلي دايم نظاف=وكلٍ يحسّب بالموازين كيله
حتى الوجيه الغامضه قدْمك تشاف=ويبين منهو يرتكي للثقيله
هذا وأنا فالهرج ما احب الإسراف=والشعر يكفي عن كثيره قليله
وأليا تحالا هاجسي بدعة القاف=وكّلت راسي في صعود الطويله
خابرْك ياراسي مرحّب ومضياف=بالذات لاجتك المعان الجزيله
ومسنّدٍ لك دايم أدوار الإشراف=لنّي أعرفك ماتجيب الهزيله
وختامها هذا الزمن جد ينعاف=اللي به الحصني ركز راس ذيله
والحين تابع ما تهيّا يا نواف=والعذر كان أبيات شعري طويله[/align][/poem]
-
الشاعر راكان بن محمد
قصيده جزله ومعاني رائعه صح لسانك وسلم فكرك وبنانك
هذا وأنا فالهرج ما احب الإسراف
والشعر يكفي عن كثيره قليله
وأليا تحالا هاجسي بدعة القاف
وكّلت راسي في صعود الطويله
خابرْك ياراسي مرحّب ومضياف
بالذات لاجتك المعان الجزيله
تحيتي لك
-
الردى بوجيه الأنذال ينشاف
ماكان غرّتنا السنين الطويله
،
،
ياليت لأصناف المخاليق صرّاف
نصرف بدال الحنظله زنجبيله
،
،
قل للردي دامه جهل درب الأشراف
كلمة ( نعم ) مهما طمح مستحيله
،
،
صح لسانك ملاييييييييييين يا راكان
أبيات راقية برقي حضورك
ويا هلا بالأبيات الطويلة دامها مثل هذي .
-
الله الله
ياراكان
الله على الابداع
والحكمة والوصف
قصيدة لاتحتمل الاقتباس
راائعة بكل مافيها
وهذي عوايدك مع كل اطلالة
متميز بطرحك وفكرك وشعرك
صح لسانك ملايين
لاخلا ولاعدم
-
أرحب يابومحمد
كفو والله قول وفعل
صح لسانك ملايين
لاعدمناك
-
تتوارى العبارات من امام قلمي..
وكأنني ارى معين الكلم ينضب رويدا رويداً...
استوقف عابر الخيال لعله يرشدني..يدلني او يدللني ..
فلم يعير ندائي اهتماما..
مالقيت كلام يوفي هذه القصيده وشاعرها مايستحقونه مني
راكان
سجل الاعجاب
-
تصيغ الوان شفافة من بحر الكلمات
كنسمات تداعب وريقات
الزهور بهمسها ... بلون من العبارات
الحالمة الصياغة ...
لوحة مفعمة بروح الجمال
والمشاعر الفياضة ...
اسمى التحايا والتقدير
-
كفو
كفو
يابو محمد
شاعر ولي في حزة القاف ميقاف
واثق ولا غرّه مطافيق جيله
مبدا بديته والهدف حسب الأهداف
لامن كتبت البيت راسي دليله
الله عليك
صح السانك ياجزل
-
راكان بن محمد
لك اسلوب خاااص فيك
وشاعر تجيد البيوت الجزله
والابداعيه
صح لسانك
ولاهنت
على الابداع
-
أخوي راكان بن محمد
ارحب من طول الغيبات جاء بالجزلات
صح لسانك وبيض الله وجهك
رايعه بروعة حضورك المشرق
وافيه من راس واحساس وافي
لك فائق احترامي وتقديري
-
راكان
راااائعه
لله درك
صح قلبك ونبضك
اقبل اعجابي الشديد بكل ماتكتب !
واعذب تحيه من اخوك مازن
-
راااااكان
صح لسااانك
واعتلا يالذيب شاااانك
تقبل ود واحترااام
جارح الكسر
-
قل للردي دامه جهل درب الأشراف
كلمة ( نعم ) مهما طمح مستحيله
ونعم مليوووون باللي مثلك
ابومحمد
تسلم على هالرااااائعه ...
وفعلا ً انها تستحق التميز ..
صح لسااااااانك
ولاهنتتتتتتتتتتتتتت
النااااااايف
-
الشاعر العذب
راكان محمد
صح لسانك
وعلى شانك
ابدااع ياجزل يارائع
لك
تحياتي
وتقديري
-
[align=center]صح لسانك ياراكان ولاهنت للجزله
ومن الشاعر الجزل
تحياااتي واعجابي[/align]
